આંતરરાષ્ટ્રીય / G-7 Summit: વિશ્વની 7 આર્થિક શક્તિઓની સામે PM મોદીએ આપ્યો આ એક મંત્ર

• યુનાઇટેડ કિંગડમે G-7 સમિટમાં જોડાવા PM મોદીને આપ્યું આમંત્રણ
• PM મોદીએ વીડિયો કોન્ફરન્સ દ્વારા G-7 સમિટમાં કર્યું સંબોધન
• વન અર્થ વન હેલ્થનો PM મોદીએ આપ્યો મંત્ર

PM નરેન્દ્ર મોદીએ આજે ગ્રુપ ઓફ સેવન એટલે કે G7 સમિટને સંબોધન કર્યુ હતું. કોરોના મહામારીના સમયમાં દુનિયાની સાત મોટી આર્થિક શક્તિઓ G7 સમિટમાં ભાગ લઈ રહી છે. પીએમ મોદી આ સમિટમાં વર્ચ્યુઅલી શામેલ થયા હતા. 

પીએમ મોદીએ G-7 સમિટના પહેલા આઉટરીચ સત્રમાં ભાગ લેતી વખતે પોતાની ટિપ્પણીમાં એક પૃથ્વી, એક સ્વાસ્થ્ય (One Earth, One Health)નો મંત્ર આપ્યો. જર્મની ચાન્સેલર એન્જેલા મર્કલે વિશેષ રૂપથી પીએમના આ મંત્રનો ઉલ્લેખ કરીને તેમનું મજબૂત સમર્થન કર્યુ છે. 

જ્યારે, ઓસ્ટ્રેલિયા પ્રધાનમંત્રીએ પહેલા ટ્રિપ્સ છૂટ (TRIPS Waiver) વિશે પીએમ મોદી સાથે પોતાની ચર્ચાઓનો ઉલ્લેખ કર્યો. સાથે જ ભારતને ઓસ્ટ્રેલિયાનું મજબૂત સમર્થન છે તેમ જણાવ્યું. બીજી બાજુ ફ્રેન્ચ રાષ્ટ્રપતિએ ભારત જેવા વૅક્સિન ઉત્પાદકોને કાચા માલની આપૂર્તિનું આહ્વાન કર્યુ જેથી પૂરી દુનિયા માટે મોટાપાયે વૅક્સિનનું ઉત્પાદન થઈ શકે. 

ઉલ્લેખનીય છે કે પીએમ મોદી 12 જૂન સિવાય 13 જૂને પણ G-7 સમિટના સંપર્ક સત્રોમાં ડિજિટલ માધ્યમથી ભાગ લેવાના છે. આ સમિટમાં કેનેડા, ઈટલી, જપાન, ફ્રાન્સ, જર્મની, બ્રિટન અને અમેરિકા જેવા દેશો શામેલ છે. આ વખતે G-7નું નેતૃત્વ બ્રિટન કરી રહ્યું છે. આવામાં પીએમ મોદીને પણ આ સંમેલનમાં જોડાવાનો મોકો મળ્યો છે. ભારત ઉપરાંત ઓસ્ટ્રેલિયા, દક્ષિણ કોરિયા જેવા દેશોને પણ આમંત્રિત કરવામાં આવ્યાં છે. 

આ વખતે સમિટમાં કોરોના વાયરસ, ફ્રી ટ્રેડ અને પર્યાવરણ પર ચર્ચા થવાની છે. વધુ પડતું ફોકસ એ   વાત પર હશે કે દુનિયાને કોરોના મહામારીથી કેવી રીતે મુક્ત કરી શકાય અને ફરી એક વખત મજબૂત વાપસી કરવામાં આવે.