સંબોધન / PM મોદીનું આજે સવારે 10 વાગ્યે રાષ્ટ્રજોગ સંબોધન, દેશવાસીઓને મળી શકે છે સરપ્રાઈઝ

આજે સવારે 10 વાગ્યે પ્રધાનમંત્રી નરેન્દ્ર મોદી દેશવાસીઓને સંબોધિત કરશે. આ જાણકારી pmo દ્વારા આપવામાં આવી હતી. PM મોદીનું સંબોધન એવા સમયએ થવા જઇ  રહ્યું છે જ્યારે ભારતે 100 કરોડ ડોઝ વેક્સિન આપવાનો રેકોર્ડ બનાવ્યો છે. આ ઇતિહાસ રચ્યા બાદ હવે આજે PM મોદી શી જાહેરાત કરે છે તેનાં પર સૌની નજર રહેશે. 

PM @narendramodi will address the nation at 10 AM today.

— PMO India (@PMOIndia) October 22, 2021  

અટકળો 

PMO દ્વારા થયેલી જાહેરાતને પગલે અનેક જાતની અટકળો કરવામાં આવી રહી છે. સોશ્યલ મીડિયામાં લોકો પેટ્રોલ ડીઝલનાં ભાવ અંગે ચર્ચા કરી રહ્યા છે તો કેટલાક લોકો વેકસીનેશન વિષે ચર્ચા કરી રહ્યા છે. 

વડા પ્રધાન નરેન્દ્ર મોદીએ ગુરુવારે ભારતને કોવિડ વિરોધી રસીકરણ હેઠળ 100 કરોડ ડોઝનો આંકડો પાર કરવા બદલ દેશને અભિનંદન આપ્યા હતા.

દેશ પાસે હવે મજબૂત 'સુરક્ષા કવચ

તેમણે કહ્યું કે છેલ્લા 100 વર્ષોની સૌથી મોટી વૈશ્વિક મહામારીનો સામનો કરવા માટે દેશ પાસે હવે મજબૂત 'સુરક્ષા કવચ' છે. પીએમએ રસીકરણની આ સિદ્ધિને ભારતીય વિજ્ઞાનની, સાહસ અને 130 કરોડ ભારતીયોની સામૂહિક ભાવનાની જીત ગણાવી હતી.

તેમણે ગુરુવારે રામ મનોહર લોહિયા (RML) હોસ્પિટલની મુલાકાત લીધી હતી. અહીં તેમણે આરોગ્ય કર્મચારીઓ અને ફ્રન્ટલાઈન યોદ્ધાઓ અને રસી મેળવવા આવેલા લાભાર્થીઓ સાથે વાત કરી.

Prime Minister Narendra Modi gives a thumbs up to healthcare workers at Delhi's RML Hospital today morning as India crosses one billion COVID19 vaccinations pic.twitter.com/3HzhY6oNfX

— ANI (@ANI) October 21, 2021

પીએમ મોદીએ અરુણ‎ રાય સાથે વાત કરી 
વેક્સિનનો 100 કરોડમો ડોઝ જ્યારે અરુણ રાયને અપાઈ રહ્યો હતો ત્યારે તે વખતે પીએમ મોદી હાજર હતા. પ્રધાનમંત્રીએ પૂછ્યું કે શું આ તેમનો પહેલો ડોઝ છે કે બીજો. જવાબમાં રાયે કહ્યું કે આ તેનો પહેલો ડોઝ છે ત્યારે પીએમ મોદી થોડા નારાજ થયા હતા અને કહ્યું હતું કે તેણે વેક્સિન લેવામાં કેમ આટલું બધુ મોડું કર્યું.