- PM નરેન્દ્ર મોદી પોતાના ત્રણ દિવસના અમેરિકાના પ્રવાસે
- વડાપ્રધાન મોદી એડોબીના ચેરમેન સાથે કરશે મુલાકાત
- શાંતનુ નારાયણ વિશ્વમાં સૌથી વધુ પગાર લેનારા CEOમાંથી એક
ભારતીય મૂળના છે શાંતનુ
વડાપ્રધાન મોદી જે CEO સાથે મુલાકાત કરવાના છે તેમાં ભારતીય મૂળના શાંતનુ નારાયણનો પણ સમાવેશ થાય છે. શાંતનુ એડોબીના ચેરમેન છે. આવો જાણીએ કોણ છે શાંતનુ નારાયણ. શાંતનુ નારાયણનો જન્મ 27 મે 1963ના રોજ આંધ્ર પ્રદેશના હૈદ્રાબાદમાં થયો છે. જણાવવામાં આવ્યું છે કે શાંતનુ નારાયણના પિતા એક પ્લાસ્ટિક કંપની ચલાવતા હતા અને માતા અમેરિકન સાહિત્યની શિક્ષક હતી. તેમણે હૈદ્રાબાદ પબ્લિક સ્કૂલમાં પ્રારંભિક શિક્ષણ શરૂ કર્યુ છે. ઉસ્માનિયા યૂનિવર્સિટીના University College of Engineering માંથી તેમણે ઈલેક્ટ્રોનિક્સ એન્ડ કોમ્યુનિકેશન એન્જિનિયરિંગમાં બીટેક કર્યુ.
સૌથી વધુ પગાર મેળવનારા ભારતીયોમાંથી એક
શાંતનુ નારાયણ ADOBE INC ના ચેરમેન, પ્રેસિડેન્ટ અને CEO છે. શાંતનુ નારાયણ વિશ્વમાં સૌથી વધુ પગાર લેનારા ભારતીય મૂળના CEOમાંથી એક છે. 2020માં ADOBE INC તરફથી દાખલ કરવામાં આવેલા proxy statements મુજબ નાણાંકીય વર્ષ 2020માં શાંતનુ નારાયણને કુલ 45,889,954 ડોલરનું વળતર મળ્યું. ભારતીય રૂપિયા પ્રમાણે આ રકમ લગભગ 341 કરોડ રૂપિયા બરાબર હતી.
ભારતમાં પણ વ્યાપાર
વડાપ્રધાન મોદી એડોબીના સીઈઓ શાંતનુ નારાયણ સાથે મુલાકાત કરશે. આ સોફ્ટવેર કંપનીનો ભારતમાં પણ વ્યાપાર છે. આ કંપનીની ઓફિસ બેંગલુરૂ, નોએડા અને ગુરૂગ્રામમાં પણ છે. જણાવવામાં આવ્યું છે કે એડોબીના ભારતમાં લગભગ 6000 કર્મચારીઓ કામ કરે છે. એડોબ ઈન્ક અમેરિકાની બહુરાષ્ટ્રીય સોફ્ટવેર કંપની છે. અગાઉ Adobe Systems Incorporatedના નામથી ઓળખવામાં આવતી હતી. જેનું હેડક્વાર્ટર કેલિફોર્નિયામાં છે. આ કંપની કન્ટેન્ટ ક્રિએશન અને ડિઝાઈનિંગમાં કામ આવતા સોફ્ટવેર બનાવે છે.
2017માં બન્યા હતા CEO
1998માં નારાયણે એડોબી કંપનીમાં પ્રવેશ કર્યો હતો. 2001માં તેમને એક્ઝિક્યુટીવ વાઈસ પ્રેસિડન્ટ બનાવવામાં આવ્યાં હતા. નવેમ્બર 2017માં જ્યારે Bruce Chizenએ CEOનું પદ છોડ્યુ ત્યારે શાંતનુ નારાયણને નવા CEO તરીકે નિમણુંક કરવામાં આવી. અહીં તેમણે કંપનીના પ્રોડક્ટસને ડેસ્કટોપ પરથી ક્લાઉડ પર લઇ જવામાં મહત્વની ભૂમિકા નિભાવવામાં આવી.
પદ્મશ્રીથી સન્માનિત
શાંતનુ નારાયણને પદ્મશ્રી પુરસ્કારથી સન્માનિત કરવામાં આવ્યાં છે. રાષ્ટ્રપતિ રામનાથ કોવિંદે 11 માર્ચ, 2019ના રોજ દિલ્હીમાં રાષ્ટ્રપતિ ભવનમાં પદ્મ શ્રી પુરસ્કારથી સન્માનિત કર્યા હતા.
