મોટા ચિલોડામાં ધારાસભ્ય શંભુજી ઠાકોર પીએમ મોદીને ફુલહાર પહેરાવવા માટે દોડી ગયા. પીએમ મોદીએ કાર સ્લો કરીને કારમાં બેસીને અભિવાદન ઝીલ્યું
રાજભવનથી દહેગામ રવાના થયા પીએમ મોદી
ચિલોડા ખાતે લોકોનું ઝીલ્યુ અભિવાદન
શંભુજી ઠાકોર ફુલહાર લઇને સ્વાગત કરવા આવ્યા
ગાંધીનગર રાજભવનથી દહેગામ રક્ષા શક્તિ યુનિવર્સિટીના પદવીદાન સમારોહમાં પીએમ મોદી હાજર રહેવાના છે . રાજભવનથી દહેગામ સુધીના 35 કિલોમીટરનો આ રોડ શો છે. જો કે એરપોર્ટથી કમલમ સુધી જે રોડ શો યોજાયો હતો તે પ્રકારનો આ રોડ શો નથી. પીએમ મોદી કારમાં જ બેઠેલા હતા. જો કે પીએમ મોદીના આગમનને લઇને લોકોમાં એટલો ઉત્સાહ અને ઉમંગ હતો કે આખા રસ્તા પર જનમેદની ઉમટી પડી હતી. પીએમ મોદીની એક ઝલક જોવા માટે ગ્રામજનો બહાર રોડ પર દોડી આવ્યા હતા.
કાર સ્લો કરીને શંભુજીનું અભિવાદન ઝીલ્યું
રાજભવનથી પીએમ મોદી ચિલોડા પહોંચ્યા. અહીં ચાર રસ્તા પર ભારે જનમેદની ઉમટી પડી હતી. વડાપ્રધાન મોદીનો કાફલો પસાર થતા જ ભારતમાતા કી જયના નારા લગાવી રહ્યા હતા. પીએમ મોદીની એક ઝલક જોવા માટે સવારથી રાહ જોઇને બેઠેલા નાગરિકો પીએમ મોદીનો કાફલો આવતા જ ઉત્સાહિત થઇ ગયા. અહીં પીએમ મોદીની કાર થોડી સ્લો હતી એટલે તેઓએ કારમાં જ બેઠા બેઠા લોકોનું અભિવાદન ઝીલ્યું. આ સમયે ચિલોડાના ધારાસભ્ય શંભુજી ઠાકોર પીએમ મોદીના ખાસ સ્વાગત માટે ફુલહાર લઇને ઉભા હતા. પરંતુ પ્રોટોકોલ મુજબ તેઓ પીએમ મોદીને હાર પહેરાવી ન શક્યા. શંભુજી પીએમ મોદીની કાર તરફ દોડી ગયા તો પીએમ મોદીએ કાર પણ સ્લો કરી. કમાન્ડરોએ ફુલહાર લઇને પીએમ મોદીની કાર પર મૂકી દીધો અને બંને હાથ જોડીને પીએમ મોદીએ હસતા મોઢે શંભુજી ઠાકોરનું અભિવાદન ઝીલ્યું.
મોદીજી મારા પ્રિય નેતા- શંભુજી ઠાકોર
વીટીવીએ શંભુજી ઠાકોર સાથે ખાસ વાતચીત કરતા તેઓએ જણાવ્યું કે હું તો સામાન્ય વકીલાત કરતો હતો. 2007માં તેઓએ મને વિધાનસભાની ટિકિટ આપી.
હું અત્યારે જે કાંઇ છું કે પીએમ મોદીના કારણે જ છું. મોદીજી મારા પ્રિય નેતા છે. અત્યાર સુધી ત્રણ વખત ટિકિટ આપીને મારા પર જે વિશ્વાસ મૂક્યો છે તે માટે મોદી સાહેબનો હું ખૂબ ખૂબ આભાર માનું છું.2007માં તેઓએ મને વિધાનસભાની ટિકિટ આપી.