અનોખો નજારો / VIDEO : આ જ લોકશાહી ! પોતાની પર પ્રહારની વચ્ચે ખડગેની વાત પર ખડખડાટ હસ્યાં PM મોદી, સંસદ ગૂંજી

• લોકસભામાં મલ્લિકાર્જુન ખડગેની વાત પર હસી પડી સંસદ
• પીએમ મોદી પણ હસવું ન રોકી શક્યા 
• ખડગેએ કહ્યું હું અહીં છું, પીએમ મોદી મારા મતવિસ્તાર પહોંચી ગયા
• રાજ્યસભા સભાપતિ જગદીપ ધનખડ પણ હસી પડ્યાં 
• સંસદમાં પહેલી વાર હોબાળાની વચ્ચે જોવા મળ્યો અનોખો નજારો 

 વિરોધ-વિરોધને ઠેકાણે પરંતુ પોતાની પર હુમલો થતો હોય છતાં પણ શાંત ચિત્તે વિપક્ષી નેતાની વાત સાંભળીને ખડખડાટ હસવું તંદુરસ્ત લોકશાહીની નિશાની છે અને પ્રધાનમંત્રી મોદીએ આ વાત સાચી કરી દેખાડી છે. પોતાની પર વિપક્ષી નેતાના પ્રહારની વચ્ચે પણ પીએમ મોદી શાંતિ મને તેમની વાત સાંભળતા રહ્યાં અને એટલું જ નહીં પરંતુ વિપક્ષ તરફથી એક તબક્કે એવી વાત આવી કે ખુદ હસવું ન રોકી શક્યાં. સંસદના બજેટ સત્રમાં સમરાંગણ મચેલું છે. કોંગ્રેસ મહત્વના મુદ્દે સરકાર પાસે ચર્ચાની માગ કરી રહી છે જોકે સરકાર તેના વલણ પર અડગ છે. બુધવારે કોંગ્રેસ અધ્યક્ષ મલ્લિકાર્જુન ખડગે બોલવા માટે ઊભા થયા હતા અને તેમણે પીએમ મોદી પર પ્રહાર કરતાં કરતાં એક તબક્કે એક વાત કહી નાખી કે પીએમ મોદી સહિતની આખી સંસદ હસી પડી હતી અને થોડી વાર પૂરતું ભારેખમ વાતાવરણ હળવું બની ગયું હતું. 

#WATCH | Rajya Sabha Chairman Jagdeep Dhankhar in exchange with LoP Mallikarjun Kharge who is demanding JPC on the Adani issue says, "it seems you will set up a JPC on me."

(Video source: Sansad TV) pic.twitter.com/hGEt7oPeGz

— ANI (@ANI) February 8, 2023

ખડગેની વાત પર હસી-હસીને ગોટે ચડ્યાં પીએમ મોદી 
બુધવારે સંસદમાં રાષ્ટ્રપતિના બજેટ ભાષણ પર ધન્યવાદ પ્રસ્તાવ પર ચર્ચા થઈ રહી છે. આ દરમિયાન મલ્લિકાર્જુન ખડગે સરકાર પર પ્રહાર કરી રહ્યા હતા. ત્યારે તેમણે પીએમ મોદીને સંસદ પર ધ્યાન આપવાની અપીલ કરી હતી. ખડગેએ કહ્યું કે વડા પ્રધાન હંમેશાં ચૂંટણી મોડમાં હોય છે.

#WATCH | Responding to Leader of Opposition Mallikarjun Kharge's speech on President's address, Rajya Sabha Chairman Jagdeep Dhankhar quotes Ghalib pic.twitter.com/udANZUsNMe

— ANI (@ANI) February 8, 2023

શું બોલ્યાં કોંગ્રેસ અધ્યક્ષ ખડગે 
ખડગેએ વધુમાં જણાવ્યું હતું કે અહીં સંસદ ચાલી રહી છે, વડાપ્રધાન મારા મતવિસ્તાર કલબુર્ગી પહોંચી ગયા છે. અરે ભાઈ, મારી પાસે એક જ સંસદીય મતવિસ્તાર છે. તમને એ જ મળી રહ્યું છે અને એક નહીં પણ બે મીટિંગ્સ કરી રહ્યા છો. ખડગેએ આ વાત કરતા જ પીએમ મોદી અને સાંસદોના હાસ્યથી સમગ્ર સદન ગુંજી ઉઠ્યું હતું.

સભાપતિ જગદીપ ધનખડ પણ હાથ જોડી ગયા
ખડગેની વાત પર રાજ્યસભાના ચેરમેન અને ઉપરાષ્ટ્રપતિ જગદીપ ધનખડે પણ હસતાં જોવા મળ્યાં હતા. તેમણે હસતાં હસતાં હાથ પણ જોડી લીધા હતા.