દિલ્હી / આઝાદી દિવસની પૂર્વ સંધ્યાએ સારા સમાચાર, આવતીકાલે PM મોદી દેશને આપશે મોટી ભેટ, સત્તાવાર સૂત્રોનો ખુલાસો

• આઝાદી દિવસે હેલ્થ સેક્ટરને લઈને મોટી જાહેરાત કરશે પીએમ મોદી 
• હીલ ઈન ઈન્ડીયા અને હીલ બાય ઈન્ડીયા યોજનાની જાહેરાત થશે
• 2047 સુધીમાં સિકલ સેલ ડિસિઝ ખતમ કરવાનો રોડમેપ બહાર પડાશે
• તમામ યોજનાને એકમાં સમાવી લેનારી યોજના પણ જાહેર કરી શકે 

આવતીકાલે ભારતનો આઝાદી દિવસે છે ત્યારે પીએમ મોદી દેશને એક મોટી હેલ્થ યોજનાની ભેટ આપવા જઈ રહ્યાં છે. સત્તાવાર સૂત્રોએ ખુલાસો કર્યો કે પીએમ મોદી આઝાદી દિવસે હેલ્થ સેક્ટર માટે સંખ્યાબંધ પહેલની જાહેરાત કરી શકે છે જેમાં હીલ ઈન ઈન્ડીયા અને હીલ બાય ઈન્ડીયા પ્રોજેક્ટ અને 2047 સુધીમાં સિકલ સેલ ડિસિઝ ખતમ કરવાનો રોડમેપ સામેલ હશે. 

પીએમ સમગ્ર સ્વાસ્થ્ય મિશનની જાહેરાત થઈ શકે 
સત્તાવાર અધિકારીઓએ જણાવ્યું કે નેશનલ ઇમ્યુનાઇઝેશન પ્રોગ્રામમાં સર્વાઇકલ કેન્સર સામે ક્વાડ્રિવેલેન્ટ હ્યુમન પેપિલોમાવાયરસ રસી (ક્યુએચપીવી)નો સમાવેશ અને નવા નામ 'પીએમ સમગ્ર સ્વાસ્થ્ય મિશન' હેઠળ રાષ્ટ્રીય આરોગ્ય મિશનના વિસ્તરણને પણ સોમવારે લાલ કિલ્લા પરથી મોદીના ભાષણમાં સામેલ કરવામાં આવી શકે છે.

PM Modi is likely to announce a host of initiatives for health sector on Independence Day, with the highlights being 'Heal in India' & 'Heal by India' projects; also a roadmap to eliminate sickle cell disease by 2047: Official sources

— Press Trust of India (@PTI_News) August 14, 2022

જાણો શું છે હીલ ઇન ઇન્ડિયા યોજના 
હીલ ઇન ઇન્ડિયા' પહેલ હેઠળ, દેશને તબીબી અને સુખાકારી પર્યટન માટે વૈશ્વિક કેન્દ્ર તરીકે સ્થાન આપવાનો છે, તબીબી પર્યટનને વેગ આપવા માટે 12 રાજ્યોની 37 હોસ્પિટલોમાં તબીબી માળખાગત સુવિધાઓમાં વધારો કરવામાં આવશે એમ સૂત્રોએ જણાવ્યું હતું. સત્તાવાર સૂત્રોએ જણાવ્યું હતું કે, 10 ઓળખાયેલા એરપોર્ટ્સ પર દુભાષિયાઓ અને સ્પેશિયલ ડેસ્ક, બહુભાષી પોર્ટલ અને આંતરરાષ્ટ્રીય દર્દીઓ અને તેમના સાથીઓ માટે સરળ વિઝા ધોરણો પણ આ પહેલની મુખ્ય બાબતોમાં સામેલ છે.