સાપુતારા ખાતે પ્રવાસે ગયેલ સુરતના એક ગરબા ગ્રુપની પાંચ બસ પૈકી એક બસ માલેગામ ઘાટમાર્ગમાં ખીણમાં ખાબકતા ગંભીર અકસ્માત સર્જાયો હતો, આ અકસ્માતમાં 2 મહિલાના મોત થયા છે.
Share
સાપુતારા અકસ્માતની PM મોદીએ મેળવી જાણકારી
અકસ્માતમાં 2 લોકોના મોત થયા છે 52 લોકોને ઇજા થઈ છે:પાટીલ
સાપુતારા માલેગામ રાષ્ટ્રીય ધોરીમાર્ગ ઉપર માલેગાંવ ઘાટ માર્ગ ગોઝારો સાબિત થયો છે. શનિવારની રાત્રે 8.30 વાગ્યે સુરતની નિકુંજ ટ્રાવેલ્સ ની બસ ખીણમાં ખાબકતા ગંભીર અકસ્માત સર્જાયો હતો. આ બસમાં સુરતના અડાજણ વિસ્તારમાં ગરબા ક્લાસની 50 થી વધુ મહિલાઓ સવાર હતી. માલેગાંવ ઘાતમાર્ગ ઉપર બસની બ્રેક ફેલ થતા ડ્રાઈવરે સ્ટેરિંગ ઉપરનો કાબુ ગુમાવ્યો હતો અને પરિણામેં બસ ખીણમાં ખાબકી હતી, અકસ્માતની જાણ થતાંજ આસપાસના લોકો અને સાથે ની અન્ય બસના મુસાફરો મદદે પહોંચ્યા હતા અને બચાવ કામગીરી શરૂ કરી હતી જેમાં, 46 જેટલી મહિલાઓને ઇજા થઇ હતી ઘાયલ મહિલાઓમાં 21 ને નજીક ની સામગહાન પીએચસી જ્યારે 15 મહિલાઓને આહવા સિવિલ હોસ્પિટલમાં સારવાર આપવામાં આવી હતી જેમાં વધુ પડતા ઘાયલ 8 જેટલા દર્દીઓને સુરત રીફર કરવામાં આવ્યા હતા. જ્યારે ગંભીર રૂપે ઘાયલ 2 મહિલા નું મોત થયું હતું.
PM મોદીએ રાત્રે જ માહિતી મેળવી હતી:પાટીલ
અકસ્માતની જાણ વહીવટ તંત્ર ને થતા ઉચ્ચ પોલીસ અધિકારીઓ સહીત મેડિકલનો સ્ટાફ સામગહન પીએચસીમા ધસી જઈ ઘાયલ મુસાફરોની સારવાર શરૂ કરી હતી. તો આ તરફ આ ઘટના અંગે પીએમ મોદીએ પણ દૂખ વ્યક્ત કરી ગત રાત્રીએ તમામ જાણકારી મેળવી છે. આ મામલે સુરત ખાતે સી આર પાટીલનું મોટું નિવેદન સામે આવ્યું છે. તેમણે કહ્યું હતું કે અકસ્માતમાં 2 લોકોના મોત થયા છે અને 52 લોકોને ઇજા થઈ છે. તેમાં પણ 8થી 9 લોકોને ગંભીર ઇજાઓ પહોંચી છે. વધુમાં પાટીલે જણાવ્યું કે PM મોદીએ રાત્રે જ ઘટનાની તમામ માહિતી મેળવી હતી.CMએ પણ કલેક્ટર સાથે વાતચીત કરી મદદ માટે સૂચના આપી હતી
મૃતક
સોનલબેન દાવડા
કુંદનબેન સાપરિયા
ઈજાગ્રસ્તો ની યાદી
દિવ્યાની પી ગાંધી ઉં 42
લક્ષ્મી અજિત શર્મા ઉં 39
બીના હેમંત ધારિવાળા
ઉર્વશી અજિત શર્મા ઉં 11
હંસા સાડીજા સિંધી ઉં 39
અમિષા અંજીરવાળા ઉં 51
વંશી પ્રતીક વાઘેરા ઉં 20
અનિતા નિકુંજ કાપડિયા ઉં 40
રીના ભાવેશ ભાવસાર ઉં 40
કલ્પના ગીરીશભાઈ શાહ ઉં 65
નિરલ કેવીલ શાહ ઉં 45
દિવ્યા રમેશભાઈ ઉં 22
રૂપાલી ચિંતન ઉં 35
ઉષા હરેશ પટેલ ઉં 43
અંજલિ નીલી ઉં 38
અમિષા આશિષ આઈસ્ક્રીમ વાળા ઉં 40
સ્વાતિ દિનેશ ઉં 37
પ્રિયાંશી સુરેશ આર્ય ઉં
તનયા આકાશ દારવીઉં 3
ચેતના આકાશ ધારવી ઉં 25 ને ઇજા પહોંચતા સામ ગહન સીએચસી ખાતે સારવાર આપાઈ હતી જયારે અન્ય ને આહવા સિવિલ હોસ્પિટલમા રીફર કરાયા હતા.
સુરતથી આવેલી બસનો અકસ્માત પહેલાનો વીડિયો સામે આવ્યો
હાલમાં આ અકસ્માત પહેલાનો વીડિયો સામે આવ્યો છે. વીડિયોમાં અકસ્માત પહેલા મહિલાઓ બસમાં ડાન્સ ને મસ્તી કરતી જોવા મળી રહી હતી. ઉપરાંત અકસ્માત પહેલા પતિ-પત્ની વચ્ચેની વાતચીતનું રેકોર્ડિંગ પણ સામે આવ્યું છે.
