ગત વર્ષની જેમ આ વર્ષે પણ પ્રધાનમંત્રી મોદી 2023ના વર્ષમાં દુનિયાના ટોચના લીડર બની રહ્યાં છે.
પીએમ મોદી 2023ના વર્ષમાં પણ બન્યાં દુનિયાના ટોપના લીડર
અપ્રુવલ રેટિંગમાં મળ્યું પહેલું સ્થાન
બાયડન અને સુનક રહ્યાં પાછળ
ગત વર્ષની જેમ આ વર્ષે પણ પીએમ મોદીને વિશ્વના સૌથી લોકપ્રિય નેતા તરીકે પસંદ કરવામાં આવ્યા છે. અમેરિકન ડેટા ઈન્ટેલિજન્સ ફર્મ 'ધ મોર્નિંગ કન્સલ્ટ'ના સર્વેમાં પીએમ મોદી દુનિયાના 22 દેશોના ટોચના નેતાઓને પાછળ છોડીને એપ્રુવલ રેટિંગમાં પહેલા નંબર પર છે. તેમણે અમેરિકાના રાષ્ટ્રપતિ જો બાયડન અને બ્રિટિશ પીએમ ઋષિ સુનકને પણ પાછળ છોડી દીધા છે.
પીએમ મોદી 78 ટકા સાથે આ યાદીમાં સૌથી ઉપર
સર્વે મુજબ 22 નેતાઓમાંથી પીએમ મોદી 78 ટકા સાથે આ યાદીમાં સૌથી ઉપર છે. તે પછી મેક્સિકન રાષ્ટ્રપતિ એન્ડ્રેસ મેન્યુઅલ લોપેઝ ઓબ્રાડોર 68 ટકા અને સ્વિસ રાષ્ટ્રપતિ એલેન બર્સેટ 62 ટકા સાથે ત્રીજા ક્રમે છે.
18 ટકા લોકોએ મોદીને નાપંસદ કર્યાં
સર્વેમાં કહેવામાં આવ્યું છે કે ભારતમાં લગભગ 18 ટકા લોકો એ વાતથી અસહમત છે કે પીએમ મોદી દુનિયાના સૌથી લોકપ્રિય નેતા છે.
બાયડન અને ટ્રુડોને કેટલું મળ્યું રેટિંગ
અમેરિકાના રાષ્ટ્રપતિ બાયડન અને કેનેડાના જસ્ટિન ટ્રુડોએ 40 ટકાનું રેટિંગ હાંસલ કર્યું છે, જેઓ સાતમા અને નવમા ક્રમે રહ્યા છે. જ્યારે બ્રિટનના વડાપ્રધાન ઋષિ સુનકે 30 ટકા રેટિંગ મેળવીને 13મું સ્થાન મેળવ્યું છે.
2022ની સાલમાં પણ પીએમ મોદી રહ્યાં હતા વિશ્વના ટોચના નેતા
ઉલ્લેખનીય છે કે 2022ની સાલમાં પણ લોકપ્રિયતા મામલે પીએમ મોદી નંબર વન બન્યાં હતા તે વખતે પણ બાયડન, પુતિન સહિતના નેતાઓ તેમની પાછળ રહ્યાં હતા. આ પરથી કહી શકાય છે કે પીએમ મોદીની લોકપ્રિયતા જળવાઈ રહી છે તેમાં જરા પણ ઘટાડો થયો નથી.