વડાપ્રધાન નરેન્દ્ર મોદી પાંચ દિવસના વિદેશ પ્રવાસ પર છે. તેઓ વૈશ્વિક નેતાઓ ઇટલીના પ્રસિદ્ધ ટ્રેવી ફાઉન્ટન જોવા માટે પહોંચ્યા હતા.
નરેન્દ્ર મોદી પાંચ દિવસના વિદેશ પ્રવાસે
વૈશ્વિક નેતાઓ ઇટલીના પ્રસિદ્ધ ટ્રેવી ફાઉન્ટન જોવા માટે પહોંચ્યા
ભારતના વડાપ્રધાન નરેન્દ્ર મોદી પાંચ દિવસના વિદેશ પ્રવાસ પર છે. નરેન્દ્ર મોદી G-20 શિખર સંમેલનમાં ભાગ લેવા માટે પહોંચ્યા હતા. પ્રવાસ પહેલા પડાવમાં તેઓ ઇટલીની રાજધાની રોમ પહોંચ્યા હતા. રવિવારે પ્રધાનમંત્રી મોદી શિખર સંમેલનથી અલગ એક પ્રવૃત્તિ માટે નીકળી પડ્યા હતા. પ્રધાનમંત્રી મોદી સહિત વૈશ્વિક નેતાઓ ઇટલીના પ્રસિદ્ધ ટ્રેવી ફાઉન્ટન જોવા માટે પહોંચ્યા હતા. આ ફાઉન્ટન ઇટલીનાં સૌથી વધારે જોવાતાં સ્મારકોમાંથી એક છે. બરોક કળા શૈલી ધરાવતાં આ સ્મારકને ઘણા ફિલ્મ નિર્માતાઓએ પ્રેમનાં પ્રતિક સમાન દર્શાવીને ફિલ્મોમાં પણ દર્શાવ્યું હતું.
The #G20 Leaders toss a coin into the Trevi Fountain.
G-20 ઇટલીનાં આધિકારિક ટ્વિટર હેન્ડલ દ્વારા એક ટ્વિટ કરીને આ વિષે જણાવવામાં આવ્યું હતું. આ ટ્વિટમાં લખવામાં આવ્યું હતું કે જી-20 પ્રતિનિધિ મંડળનાં અધ્યક્ષએ શિખર સંમેલનનાં બીજા દિવસની શરૂઆતમાં શહેરના પ્રતીકાત્મક સ્થળ, ટ્રેવી ફાઉન્ટન સુધી ટહેલ મારી હતી. આ દુનિયાના સૌથી ખૂબસૂરત ફુવારાઓમાંથી એક છે. અને તેમ સિક્કો ઉછાળવાની પરંપરા માટે તે દુનિયાભરમાં પ્રસિદ્ધ છે.
શહેરમાં સૌથી મોટા ફુવારા
બરોક કળા શૈલીનાં શહેરમાં સૌથી મોટા ફુવારાની ઊંચાઈ 26.3 અને પહોળાઈ 49.15 મિટર છે.
તેને લઈને જી-20 ઇટલી તરફથી એક વિડીયો પણ શેર કરવામાં આવ્યો છે. જેમાં ફાઉન્ટન સુધી ગયેલા પ્રતિનિધિમંડળનાં સદસ્યોને તેનાં પાણીમાં પોતાના ખભા પરથી ઉછળતા સિક્કાઓ જોઈ શકાય છે. તેને લઈને માન્યતા છે કે જો તમે ખભા પરથી આ ફુવારાંનાં પાણીમાં સિક્કા ફેંકો તો તેનો મતલબ એ છે કે તમે ફરીથી એક વખત રોમ જરૂર આવશો. G20 ની અધ્યક્ષતા આ વખતે ઈટાલી પાસે છે અને તે ડિસેમ્બરમાં જ અધ્યક્ષ બન્યું હતું.