બિહાર / મોદી-શાહ નહીં કરે પ્રચાર, BJP સ્ટાર પ્રચારકોની યાદી થઈ જાહેર

• BJPએ જાહેર કરી પ્રચારકોની યાદી
• 35 સ્ટાર પ્રચારકોની યાદી થઈ તૈયાર
• 5 વિધાનસભા બેઠકો માટે 21 ઓક્ટોબરે થશે મતદાન

BJPના સ્ટાર પ્રચારકોમાં કોણ કોણ છે સામેલ

BJPએ જાહેર કરેલા 35 સ્ટાર પ્રચારકોમાં ભાજપના કાર્યકારી અધ્યક્ષ જેપી નડ્ડા, રક્ષામંત્રી રાજનાથ સિંહ, ભૂપેન્દ્ર યાદવ, ગૃહ રાજ્ય મંત્રી નિત્યાનંદ રાય, ઉપમુખ્યમંત્રી સુશીલ મોદી, કેન્દ્રીય મંત્રી રવિશંકર પ્રસાદ અને ગિરિરાજ સિંહ, કેન્દ્રીય મંત્રી અશ્વિની ચૌબે અને પ્રવક્તા શાહનવાઝ હુસૈન પણ સામેલ છે. 21 ઓક્ટોબરે સમસ્તીપુર લોકસભા બેઠક તથા કિશનગંજ, નાથનગર, બેલહર, સિમરી બખ્તિયારપુર અને ધરૌંદા વિધાનસભા બેઠકની પેટા ચૂંટણી થવાની છે.

વિધાનસભાની 5 બેઠક પર ક્યાં કયા ઉમેદવાર મેદાનમાં? 

પાંચ વિધાનસભા બેઠકમાંથી 4 બેઠક પર JDUના ઉમેદવાર રાખવામાં આવ્યા છે જ્યારે કિશનગંજ સીટ પર ભાજપ લડી રહી છે. સમસ્તીપુર લોકસભા બેઠક પર લોક જનશક્તિ પાર્ટીના પ્રિંસ રાજ ઉમેદવાર છે.

JDUએ પણ જાહેર કર્યું પ્રચારકોનું લિસ્ટ

જેડીયૂએ જે સ્ટાર પ્રચારકોનું લિસ્ટ જાહેર કર્યું છે તેમાં મુખ્યમંત્રી નીતિશ કુમાર, JDU અધ્યક્ષ વશિષ્ઠ નારાયણ સિંહ, ઉપાધ્યક્ષ પ્રશાંત કિશોર, સાંસદ આરપીસિંહ અને પ્રવક્તા સંજય સિંહ પણ સામેલ છે. 

RJDએ પણ જાહેર કરી સ્ટાર પ્રચારકોની યાદી

આરજેડીએ પણ વિધાનસભાની પેટા ચૂંટણી માટે સ્ટાર પ્રચારકોની યાદી જાહેર કરી છે. જેમાં પૂર્વ મુખ્યમંત્રી રાબડી દેવી, સાંસદ નિશા ભારતી, નેતા પ્રતિપક્ષ તેજસ્વી યાદવ અને તેના મોટા ભાઈ અને વિધાયક તેજ પ્રતાપ યાદવ પણ સામેલ છે. 21 ઓક્ટોબરે થનારા મતદાનની ગણતરી 24 ઓક્ટોબરે થશે.