જરૂરી વાત / PM કિસાન સન્માન નિધિ યોજનાના 13માં હપ્તા માટે 50 હજાર ખેડૂતો પર લટકતી તલવાર, ક્યાંક તમારૂ નામ તો નથીને લિસ્ટમાં?

• ખેડૂતોને મદદ કરે છે PM કિસાન સ્કિમ 
• અત્યાર સુધી આપવામાં આવ્યા છે 12 હપ્તા 
• 13માં હપ્તા માટે આ ખેડૂતો પર લટકતી તલવાર 

પ્રધાનમંત્રી કિસાન સન્માન નિધિ યોજના નાના અને ઓછી જમીન વાળા ખેડૂતો માટે ભેટથી ઓછી નથી. કૃષિ વિભાગની તરફથી જનપદમાં 254152 ખેડૂતોને સન્માન નિધિ આપવામાં આવી રહી છે. અત્યાર સુધી સરકારની તરફથી બે-બે બજારના 12 હપ્તા આપવામાં આવી ચુક્યા છે. 

પ્રધાનમંત્રી નરેન્દ્ર મોદીની પહેલથી હવે નાનામાં નાના ખેડૂતોને ખાતર અને બીજ માટે સાહુકારો પાસેથી વ્યાજ પર પૈસા નથી લેવા પડી રહ્યા. ખેડૂતોનું કહેવું છે કે પહેલા ખાતર માટે પૈસા ન હતા. પરંતુ હવે કોઈ પાસે હાથ નથી ફેલાવવો પડતો. બુંદેલખંડમાં ખૂબ જ ગરીબ ખેડૂતો માટે સન્માન નિધિની રકમ કોઈ રામબાણથી કમ નથી. 

50 હજાર ખેડૂતોને નથી મળતો લાભ 
જોકે વિભાગની બેદરકારીના કારણે લગભગ 50 હજાર લોકો પીએમ કિસાન સન્માન નિધિથી વંચિત છે. આ ખેડૂત આધાર લિંક અને જમીન માપણી ન હોવાના કારણે હજુ સુધી PM કિસાનનો હપ્તો મેળવી શક્યા નથી. ખેડૂતોનું કહેવું છે કે ઘણી વખત વાચ કર્યા છતાં કોઈ ફાયદો નથી થયો. 

બાંદામાં 254152 ખેડૂતોને સન્માન નિધિનો લાભ 
ત્યાં જ જિલ્લાના ઉપ કૃષિ નિર્દેશક વિજય કુમારે જણાવ્યું કે બાંદામાં 254152 ખેડૂતોને સન્માન નિધિ આપવામાં આવે છે. અત્યાર સુધી ઘણા ખેડૂતોને 12 હપ્તા મળી ચુક્યા છે. તેમણે કહ્યું કે 50 હજાર ખેડૂતોનું આધાર લિંક નથી. 

એવામાં આ ખેડૂત પીએમ કિસાન યોજનાથી વંચિત છે. આ બાબતે નોંધ લેતા ચિત્રકુટ સર્કલના કમિશનર આર.પી. સિંહે જિલ્લા કલેક્ટરે 24 કલાકની અંદર તમામ ખેડૂતોના બેંક ખાતાને આધાર કાર્ડ સાથે લિંક કરીને તાત્કાલિક રિપોર્ટ કરવા સૂચના આપી છે. સાથે જ આરપી સિંહની આ સૂચના પછી, 50 હજાર ખેડૂતોની થોડી આશા જાગી છે.