જરૂરી વાત / પતિ- પત્ની બન્નેને મળી શકે છે PM કિસાન યોજનાનો લાભ? જાણો શું છે નિયમ

• પતિ-પત્ની બન્ને લઈ શકે આ યોજનાનો લાભ? 
• ટેક્સ આપતા લોકો લઈ શકે આ યોજનાનો લાભ? 
• જાણો યોજના સાથે જોડાયેલા નિયમો વિશે 

PM Kisan Samman Nidhi યોજના હેઠળ સરકાર ખેડૂતાને આર્થિક મદદ કરે છે. તેમાં વાર્ષિત તેમને 6000 એટલે કે 2000ના ત્રણ હપ્તા સીધા ખાતામાં આપવામાં આવે છે. ખેડૂતોના ખાતામાં 9મો હપ્તો ચુકવવામાં આવ્યો છે. પરંતુ હજુ સુધી આ યોજનાને લઈને લોકોના મનમાં ઘણા પ્રશ્નો છે. જેવા કે શું પતિ-પત્ની બન્ને પીએમ કિસાન સન્માન નિધિ યોજનાનો લાભ ઉઠાવી શકે છે? જાણો શું છે નિયમ

કઈ રીતે લેશો યોજનાનો લાભ? 
પતિ-પત્ની બન્ને પીએમ કિસાન સન્માન નિધિ યોજનાનો લાભ નથી ઉઠાવી શકતા. જો તે આમ કરે તો તેમને છેતરપિંડી જાહેર કરતા સરકાર તેની રિકવરી કરશે. આ ઉપરાંત ઘણી એવી જોગવાઈઓ હોય છે જે ખેડૂતને અપાત્ર બનાવે છે. ખેડૂત પરિવારમાં જો કોઈ ટેક્સ આપે છે તે આ યોજનાનો લાભ નહીં મળે. એટલે કે પતિ અથવા પત્નીમાંથી કોઈ ગયા વર્ષે ઈનકમ ટેક્સ ભર્યો છે તો તેમને આ યોજનાનો લાભ નહીં મળે. 

કોને નહીં મળે આ યોજનાનો લાભ? 
જો કોઈ ખેડૂત પોતાની ખેતીની જમીનનો ઉપયોગ કૃષિ કાર્યમાં ન કરી બીજા કામોમાં કરે છે અથવા બીજાના ખેતરમાં ખેતીનું કામ કરે છે અને ખેતર તેમનું નથી. એવા ખેડૂત પણ આ યોજનાનો લાભ ન ઉઠાવી શકે. જો કોઈ ખેડૂત ખેતી કરી રહ્યો છે પરંતુ ખેતર તેના નામે નહી પરંતુ પિતા અથવા દાદાના નામે છે તો તેમને પણ આ યોજનાનો લાભ નહીં મળે. 

આ લોકોને પણ નહીં મળે લાભ 
જો કોઈ ખેતીની જમીનનો માલિક છે પરંતુ તે સરકારી કર્મચારી છે અથવા રિટાયર થઈ ચુક્યા છે, હાલના અથવા પૂર્વ સાંસદ, ધારાસભ્ય, મંત્રી છે તો એવા લોકો પણ ખેડૂત યોજનાના લાભ નહીં લઈ શકે. આ લિસ્ટમાં પ્રોફેશનલ રજીસ્ટર્ડ ડોક્ટર, એન્જિન્યર, વકીલ, ચાર્ટર્ડ એકાઉન્ટન્ટ અથવા કોઈ પરિવારના લોકો પણ આવે છે. ઈનકમ ટેક્સ આપતા પરિવારને પણ આ યોજનાનો ફાયદો નથી મળતો.