જમ્મુ કાશ્મીરની રણજી ટીમમાં અત્યાર સુધી લદાખનો કોઇ ખેલાડી નથી. આગામી રણજી સત્ર આ વર્ષના અંતમાં ડિસેમ્બરમાં શરૂ થશે.
નવા કેન્દ્રશાસિત પ્રદેશ લદાખના ક્રિકેટર હવે ઘરેલૂ સર્કિટમાં જમ્મુ કાશ્મીર માટે રમશે. ભારતીય ક્રિકેટનની પ્રશાસકોની સમિતિના અધ્યક્ષ વિનોદ રાયે આવી જાણકારી આપી છે. સરકારે સોમવારે જમ્મુ કાશ્મીરના બે કેન્દ્રશાસિત પ્રદેશો જમ્મુ કાશ્મીર અને લદાખમાં વહેંચ્યો.
ભારતીય ક્રિકેટ કંટ્રોલ બોર્ડ હાલ બે અલગ પ્રદેશ એકમો બનાવવા જઇ રહ્યું નથી. રાયે કહ્યું, 'અમે બધા લદાખ માટે અલગ ક્રિકેટ સંઘ નહીં બનાવીએ. આ ક્ષેત્રના ક્રિકેટર બીસીસીઆઇની તમામ ઘરેલૂ સ્પર્ધાઓમાં જમ્મુ કાશ્મીર માટે રમશે.'
જમ્મુ કાશ્મીરની રણજી ટીમમાં અત્યાર સુધી લદાખનો કોઇ ખેલાડી નથી. આગામી રણજી સત્ર આ વર્ષના અંતમાં ડિસેમ્બરમાં શરૂ થશે. લદાખને પણ પોંડીચેરીની જેમ મતદાન આપવાનો અધિકાર રહેશે જ્યારે એવું પૂછવામાં આવ્યું તો રાયે કહ્યું કે હાલ એની પર કોઇ વાત થઇ નથી.
એમને કહ્યું, 'અમે આ ઉપર કોઇ વાત કરી નથી. આ મામલે બધુ ચંડીગઢની જેમ રહેશે જે એક કેન્દ્રશાસિતક પ્રદેશ છે. એના ખેલાડી પંજાબ અથવા હરિયાણા માટે રમે છે.'
રાયે કહ્યું કે, 'અમને વિશ્વાસ છે કે જમ્મુ કાશ્મીરના ઘરેલૂ મેચ છેલ્લા વર્ષની જેમ શ્રીનગરમાં જ હશે. વૈકલ્પિક ઘરેલૂ મેદાનને લઇને કોઇ વાત કરવામાં આવી નથી.'