પહેલ / સચિવાલયથી ગુજરાતને પ્લાસ્ટીક મુક્ત કરવાનું અભિયાન શરૂ, મંત્રીઓ અને સચિવો કાગળની ફાઈલો વાપરશે

• ગુજરાતના સચિવાલયમાં નહીં વપરાય પ્લાસ્ટીક
• સુરત મનપાએ પ્લાસ્ટીક પર બનાવેલો વીડિયો ટ્રેન્ડમાં
• સચિવાલયમાં પ્લાસ્ટિકની જગ્યાએ કાચની ક્રોકરી વપરાશે

પીએમ મોદીએ સિંગલ યુઝ પ્લાસ્ટિક નહી વાપરવા દેશવાસીઓને આહવાન કહ્યું છે. સમગ્ર દેશવાસીઓ પીએમની આ પહેલમાં જોડાયા છે. વડાપ્રધાન નરેન્દ્ર મોદીની આ પહેલમાં આખો દેશ જોડાયો છે. ગુજરાત સરકારે આ દિશામાં એક સરાહનીય કામ કર્યું છે. સચિવાલય અને સરકારી ઓફિસોએ સ્વૈસ્છિક રીતે પ્લાસ્ટીકથી દુર રહેવાં તરફ ડગ માંડ્યા છે.

સચિવાલયમાં પ્લાસ્ટિક પર પ્રતિબંધ

પ્લાસ્ટિક મુક્ત અભિયાનની સચિવાલયથી શરૂઆત કરવામાં આવી છે. સરકારી ઓફિસમાં પ્લાસ્ટિક નહી વાપરવા સ્વૈચ્છિક નિર્ણય કરાયો છે. સરકારી કાર્યક્રમોમાં પણ પ્લાસ્ટિક પર પ્રતિબંધ રાખવાનો નિર્ણય કરાયો છે. પ્લાસ્ટિકના ફાઇલ ફોલ્ડરની જગ્યાએ કાગળની ફાઇલ વાપરવા અપીલ કરાઇ છે. પ્લાસ્ટિકનાં ગ્લાસ, પ્લેટની જગ્યાએ હવે કાચની ક્રોકરી વાપરવા સૂચન કરાયું છે.

સુરત મનપાનો પાપી પ્લાસ્ટિક વીડિયો ટ્રેન્ડમાં

સુરત મનપા દ્વારા પ્લાસ્ટિક મુક્ત અભિયાન શરૂ કરવામાં આવ્યું છે. મનપા કમિશનરે 'પાપી પ્લાસ્ટિક'નામનો વીડિયો જાહેર કર્યો છે. ટ્વીટર એકાઉન્ટ પર સુરત મનપાએ વીડિયો અપલોડ કર્યો છે. આ વીડિયો હાલ ટ્રેન્ડમાં છે. આગામી દિવસમાં સુરતમાં પ્લાસ્ટિક એકત્ર કરવા સેન્ટર પણ ઉભા કરવામાં આવશે.