કામની વાત / PhonePeએ ગ્રાહકોની સુવિધા માટે શરૂ કરી આ ખાસ સર્વિસ, અહીંથી ઉપાડી શકાશે પૈસા

• ફોન પેના ગ્રાહકો માટે સારાં સમાચાર
• હવે મળશે આ યૂનિક સુવિધા
• ફોન પેએ લોન્ચ કર્યુ એટીએમ

ફોન પે એટીએમ શોધવા માટે ગ્રાહકે તેની ફોન પે એપ ઓપન કરવી પડશે. પછી સ્ટોર્સ ઓપ્શન પર જઈ ફોન પે એટીએમ પર ક્લિક કરવું. ત્યારબાદ યુઝરને આસપાસના મર્ચેન્ટનો ઓપ્શન દેખાશે. હાલના નિયમ પ્રમાણે કોઈપણ ગ્રાહક એક દિવસમાં એક હજાર રૂપિયા કેશ કાઢી શકે છે. જોકે, પાયલટ
પ્રોજેક્ટ હેઠળ આ ફીચરને હાલ માત્ર દિલ્હી એનસીઆરમાં જ લોન્ચ કરવામાં આવ્યો છે. 

Meet us at Droidcon in Chennai today! Visit the PhonePe booth for an exciting quiz with prizes to be won! #droidconIN @droidconIN pic.twitter.com/cC8DTiC9DO

— PhonePe (@PhonePe_) November 2, 2019

ગ્રાહક અને મર્ચેન્ટ બંનેને થશે ફાયદો

ત્યારબાદ આસપાસની દુકાન પર જઈ તમે Withdraw બટન ક્લિક કરી જરૂરી પૈસા કાઢી શકો છો. જેટલા પૈસા તમે મર્ચેન્ટને ટ્રાન્સફર કરશો એટલા પૈસા તે તમને કેશ આપી દેશે. ફોન પે ઓફલાઈન બિઝનેસ ડેવલપમેન્ટના હેડ વિવેક લોચહેબે કહ્યું કે, આ સુવિધાથી ગ્રાહકોને કેશ મેળવવામાં તો સરળતા થશે જ, સાથે જ મર્ચેન્ટને વારંવાર બેંક જઈને કેશ જમા કરાવવાની અસુવિધાથી પણ બચાવશે. 

કોઈપણ પ્રકારનો એક્સ્ટ્રા ચાર્જ લેવામાં આવશે નહીં

આના માટે કસ્ટમર અને મર્ચેન્ટથી કોઈપણ પ્રકારનો એક્સ્ટ્રા ચાર્જ લેવામાં આવશે નહીં. ઉલ્લેખનીય છે કે, બધી જ બેંકોના એટીએમમાંથી કેશ કાઢવાની લિમિટ નક્કી કરેલી છે. તેનાથી વધારે કેશ કાઢવા પર ચાર્જિસ લાગે છે. આ સિવાય જે એટીએમ કાર્ડ બેંક દ્વારા ઈશ્યૂ કરવામાં આવે છે તેનો પર 100 કે 150 રૂપિયા વાર્ષિક ચાર્જ બેંક વસૂલે છે. આવામાં ફોન પે કેશ એટીએમનો ઉપયોગ ઘણો જ ફાયદાકારક સાબિત થશે.