ભેટ / 6 કરોડ PF ખાતાધારકોની સુધરી જશે દિવાળી, જલ્દી EPFO આપશે ફેસ્ટિવલ ગિફ્ટ

• EPFO લઇને આવ્યું છે દિવાળી ગિફ્ટ
• જલ્દી બેન્કમાં આવશે વ્યાજના પૈસા
• દિવાળી પર મળશે ખાતાધારકોને ભેટ

સૂત્રો દ્વારા જાણકારી મળી છે કે EPFO જલ્દી જ પોતાના 6 કરોડથી વધારે ગ્રાહકોના ખાતામાં 2020-21 માટે વ્યાજ ટ્રાંસફર કરવાની ઘોષણા કરી શકે છે. 

8.5% વ્યાજ મળશે
સરકાર પહેલા જ 2020-21 માટે PF પર 8.5% વ્યાજ સબસ્ક્રાઇબર્સના એકાઉન્ટમાં ટ્રાંસફર કરવાની વાત પર મોહર મારી ચૂકી છે. જાણકારો કહે છે કે શ્રમ મંત્રાલયે આ નિર્ણય પર મોહર લગાવી ચૂકી છે. 

EPFOએ ગયા વર્ષે 2020-21 માટે વ્યાજ 8.5 અને 2019માં 8.55 ટકા વ્યાજનું એલાન કર્યું હતું. તમને જણાવી દઇએ કે 2019-20માં KYCમાં થયેલી ગડબડમા કારણે વ્યાજ મળવામાં ઘણા લોકોને 8 થી 10 મહિના લાંબી રાહ જોવી પડી હતી. 

ફેક કોલથી રહેજો સતર્ક 
EPFOએ પોતાના ખાતા ધારકોને ફેક કોલથી સતર્ક રહેવાની સલાહ આપી છે. EPFOએ પોતાના 6 કરોડ ખાતા ધારકોને જાણકારી આપી છે અને કોઇ પણ પ્રકારની એપને ડાઉનલોડ કરવાને લઇને એલર્ટ કર્યા છે. તેમણે કહ્યું કે, EPFO ક્યારેય પણ ફોન પર ખાતાધારકો પાસેથી UAN નંબર, આધાર નંબર, પાન નંબર કે બેન્ક ડિટેઇલ્સ નથી માંગતી અને ના તો EPFO પોતાના અકાઉન્ટ હોલ્ડરને કોઇ ફોન કોલ કરે છે. 

PF ખાતું 
તમે જે સંસ્થામાં કામ કરો છો તે સંસ્થા તરફથી દર મહિને EPFO ખાતામાં પૈસા ટ્રાંસફર કરવામાં આવે છે. આ એક ફિક્સ રકમ હોય છે જે તમારા પગારમાંથી કાપવામાં આવે છે અને સંસ્થા પણ તેટલી જ રકમ આપે છે. 

આ રીતે ચૅક કરો વ્યાજ 
દર મહિને EPFO મેસેજ કરીને ગ્રાહકને વ્યાજની રકમ જણાવે છે અને તમે જાતે પણ મેસેજ કરીને જાણી શકો છો.  મોબાઇલ ફોનથી એક SMS કરવાનો રહેશે. તેમાં લખવાનું રહેશે કે, EPFOHO UAN ENG ટાઇપ કરીને 7738299899 પર મોકલી દો, અથવા તો 011-22901406 પર મિસ કોલ કરી દો.