સતત 24 દિવસથી રાહત આજે ફરીવાર ઘટ્યા પેટ્રોલ-ડીઝલના ભાવ

અમદાવાદ: પેટ્રોલ-ડીઝલના ભાવમાં સતત ઘટાડાથી નાગરિકોને આંશિક રાહત મળી છે. પેટ્રોલ ડીઝલના ભાવમાં આજે પણ ઘટાડો નોંધાયો. પેટ્રોલમાં આજે 24 પૈસા અને ડીઝલમાં 21 પૈસાનો ઘટાડો નોંધાયો છે.

છેલ્લા 24 દિવસથી પેટ્રોલ અને ડીઝલના ભાવમાં ઘટાડો થઈ રહ્યો છે. ત્યારે આજે અમદાવાદમાં પેટ્રોલનો ભાવ રૂ. 74.89 પ્રતિ લીટર થયો છે અને ડીઝલનો ભાવ રૂ. 75.65 પ્રતિ લીટર થયો છે. જો કે સતત ભાવ ઘટાડાથી સામાન્ય જનતાને થોડી ગણી રાહત મળી છે.

ઉલ્લેખનીય છે કે ઇંધણની કિંમતમાં છેલ્લા કેટલાક દિવસથી સતત ઘટાડો થઇ રહ્યો છે આ પહેલા તાજેતરમાં પણ પેટ્રોલ-ડીઝલ સસ્તા થયાં હતા જ્યારે સરકારે એક્સાઇઝ ડ્યૂટી 1.5 રૂપિયો ઘટાડ્યો અને તેલ કંપનીઓએ 1 રૂપિયો ઓછો કર્યો હતો.