મોટો ઝટકો / ખિસ્સાં ખાલી તૈયાર રહેજો! સાઉદી અરબે લીધો મોટો નિર્ણય, જાણો ક્યારે વધી શકે છે પેટ્રોલ-ડિઝલના ભાવ

સઉદી અરામકો (સઉદી અરબની મુખ્ય પેટ્રોલિયમ કંપની )એ માર્ચ માટે એશિયામાં વેચાતા પોતાના ક્રૂડ ગ્રેડના રેટ વધારી દીધા છે. કંપનીએ તમામ ક્રૂડ ગ્રેડની કિંમતોમાં વધારો કર્યો છે. દુનિયાના મુખ્ય ઓયલ એક્સપોર્ટરમાં શામેલ સઉદી અરામકોએ પોતાના એશિયાઈ ગ્રાહકો માટે અરબ લાઈટ ક્રૂડ ગ્રેડની કિંમત ફેબ્રુઆરીની સરખામણીએ માર્ચમાં 60 સેંટ પ્રતિ બૈરલના દરથી વધારવાનો નિર્ણય કર્યો છે. આ ઓમાન/ દુબઈની સરેરાશથી 2.80 ડોલર પ્રતિ બૈરલના પ્રીમિયમને બતાવે છે.

સર્વેમાં પહેલા અનુમાન લગાવ્યું હતું 

જાન્યુઆરીમાં આવેલા સર્વેમાં આ વાતની શક્યતા લગાવામાં આવી હતી કે, કંપની માર્ચમાં પોતાના ફ્લેગશિપ ગ્રેડ માટે 60 સેંટ પ્રતિ બૈરલનો વધારો કરી શકે છે. કિંમતોમાં આ ઉછાળો એશિયાઈ મજબૂત ડિમાન્ડને જોતા લેવામાં આવ્યો છે અને આ કારણે કંપનીઓ Gasoil અને જેટ ફ્યૂલમાં વધારે માર્જિન રાખી રહી છે.

ભારતમાં વધી શકે છે પેટ્રોલ અને ડીઝલના ભાવ

સઉદી અરબના આ નિર્ણયથી જો આંતરરાષ્ટ્રીય સ્તર પર ક્રૂડ ઓયલની કિંમતોમાં વધારે ઉતાર-ચડાવ જોવા મળે છએ, તો પછી તેની અસર ભારતમાં ઈંધણની કિંમત પર જોવા મળશે. ક્રૂડ ઓયલની કિંમતોમાં વધારાથી પેટ્રોલ-ડીઝલના ભાવમાં ફેરફાર જોવા મળશે.