કાર્યવાહી / યુપીમાં પર્ફ્યુમના વેપારી પીયૂષ જૈનની ધરપકડ, દરોડામાં અત્યાર સુધી મળ્યાં 357 કરોડ અને દાગીના

• કાનપુરના પર્ફ્યુમના વેપારી પીયૂષ જૈનની ધરપકડ
• દરોડામાં અત્યાર સુધી મળ્યાં 357 કરોડ અને દાગીના
• GST ઈન્ટેલિજન્સે કન્નોજથી ધરપકડ કરી

જીએસટી ઈન્ટેલિજન્સે પર્ફ્યુમના વેપારી પીયૂષ જૈનની ધરપકડ કરી લીધી છે, પોલીસે પાડેલા દરોડામાં જૈનના ઘેરથી 357 કરોડ રોકડા અને દાગીના મળ્યાં હતા. 

GST ઈન્ટેલિજન્સે ટેક્સ ચોરીના આરોપમાં પીયૂષ જૈનની કન્નોજથી ધરપકડ કરી

GST ઈન્ટેલિજન્સે ટેક્સ ચોરીના આરોપમાં સીજીએસટી એક્ટની કલમ 69 હેઠળ પીયૂષ જૈનની કન્નોજથી ધરપકડ કરી છે. પીયુષ જૈનના ઘેરથી અત્યાર સુધી 357 કરોડ રોકડા અને દાગીના મળ્યાં છે. આજે પણ તેના ઘેર દરોડા પડાયા હતા જેમાં એક બેગમાં 300 ચાવીઓ મળી હતી. આ કેસમાં હજુ ઘણા ખુલાસા થઈ શકે છે. 

ચલણી નોટો ભરેલા કોથળા મળ્યાં
જીએસટી ઈન્ટેલિજન્સના દરોડામાં પીયૂષ જૈનના ઘેરથી ચલણી નોટો ભરેલા કોથળા મળી આવ્યાં હતા જેમાં 350 કરોડ હોવાનુ કહેવાય છે. હજુ પણ દરોડાની કાર્યવાહી ચાલુ છે. આ પહેલા પિયુષ જૈનના ઘરે મેરેથોન દરોડા પાડવામાં આવ્યા હતા. ઘણા ખુલાસા થયા હતા. દરોડા દરમિયાન વેપારી પિયુષ જૈનના ઘરેથી બેગમાંથી 300 ચાવીમળી આવી હતી. પિયુષ જૈને એક જ કેમ્પસમાં ચાર મકાનો બનાવ્યા હોવાના અહેવાલ છે અને ત્યાં ભોંયરું પણ છે, હવે ભોંયરું ખોલવાના પ્રયાસો કરવામાં આવી રહ્યા છે. અહેવાલો અનુસાર, અત્યાર સુધીમાં દરોડામાં પિયુષ જૈન પાસેથી 257 કરોડ રૂપિયાની રોકડ મળી આવી છે.

રોકડા ગણવા માટે મશીન મંગાવવા પડ્યા

અત્તરના વેપારી પીયૂષ જૈન સમાજવાદી પાર્ટીના અધ્યક્ષ અખિલેશ યાદવના ખાસ છે છેલ્લા ત્રણ ચાર  દિવસથી તેમના જુદા જુદા ઠેકાણે આવેલા ઘરમાં દરોડા પાડવામા ંઆવી રહ્યાં છે. તેમના ઘેરથી એટલી મોટી માત્રામાં કેશ ઝડપાઈ છે કે આવકવેરા વિભાગ અને જીએસટી ઈન્ટેલિજન્સને ઘણા મશીન મંગાવવા પડ્યાં હતા.