પ્રિન્સ ઓફ કોલકત્તાના ઉપનામથી ઓળખતા ભારતના ભૂતપૂર્વ કેપ્ટન સૌરવ ગાંગુલી તાજેતરમાં કલકત્તા શહેરની એક ટેક્ષીમાં મુસાફરી કરતા જોવા મળ્યા હતા. કેબમાં મુસાફરી કરતા ગાંગુલી દાદાને જોઈ લોકો આશ્ચર્યમા પડી ગયા હતા. બંગાળ ક્રિકેટ એસોસિયેશનના અધ્યક્ષ સૌરવ ગાંગુલી કલકત્તાની એક હોટેલમાં યોજાનારી મિટિંગમાં જવા નીકળ્યા હતા પરંતુ તેમની BMW ગાડી અચાનક બંધ થઇ જતા મીટીંગ સ્થળે પહોંચવા તેમણે કેબ ભાડે કરવી પડી હતી. આ કેબમાં બેસી તે હોટલ પર પહોંચ્યા હતા. ઉલ્લેખનીય છે કે ગાંગુલી થોડા સમય પહેલા ટ્રેનમાં પણ મુસાફરી કરતા નજરે ચડ્યા હતા.
BCCIની સલાહકાર સમિતિ સભ્ય અને બંગાળ ક્રિકેટ એસોસિયેશનના અધ્યક્ષે કોલકાત્તાથી નજીક એક સ્થળ પર પોતાની કાંસાની મૂર્તિનુ અનાવરણ કરવા તે કોલકાત્તા થી માલદા સુધી ટ્રેઇનમાં મુસાફરી કરી હતી. આ પ્રસંગે યોજાયેલ સમારંભમા તેમણે પોતાના વક્તવ્યમાં કેટલાક જૂના સંસ્મરણો જણાવ્યા કહ્યુ કે પહેલી વખત આ ઘટના 2001માં બની હતી આજે કેટલાય વર્ષ પછી મેં ટ્રેનમાં મુસાફરી કરી છે.
તમણે વધુમાં જણાવ્યું હતું કે વર્ષો પહેલા એક વખત ફર્સ્ટ ક્લાસની ટિકિટ લઇ જયારે હું અને બંગાળ ક્રિકેટ સંઘના સચિવ અભિષેક દાલમિયા ટ્રેનમાં ચડ્યા અમારી જગ્યા પર પહોંચ્યા તો અમારી સીટ પર એક ભાઈ બેઠા હતા મેં તેમને ટિકિટ બતાવી ઉભા થવા કયું તો તે ભાઇ ઉભા થવાને બદલે મારી સાથે ઝઘડી પડ્યા હતા. ભારતીય ક્રિકેટના ભૂતપૂર્વ કપ્તાન સૌરવ ગાંગુલીના આ સંસ્મરણો સાંભળી સાંભળી રહેલ બધા લોકો હસવા લાગ્યા હતા.