દેશમાં એક તરફ NRC અને CAAનો વિરોધ ચારે તરફ થઇ રહ્યો છે ત્યારે તાજેતરમાં RSSના સુપ્રીમો મોહન ભાગવતના નામે નવા બંધારણની PDF વાયરલ થઇ રહી છે. નોંધનીય છે કે, આ PDFમાં મોહન ભાગવતના ફોટોનો ઉપયોગ કરી નવું બંધારણ બનવા જઇ રહ્યું છે તેવું લખવામાં આવ્યું છે.
RSSના સુપ્રીમો મોહન ભાગવતના નામથી વાઇરલ થઇ PDF
નવું બંધારણ હોવાની કરાઇ વાત
સાઇબર ક્રાઇમમાં નોંધાઇ ફરિયાદ
રાષ્ટ્રીય સ્વયંસેવક સંઘના વડા મોહન ભાગવતના ફોટોના ઉપયોગ કરીને નવું બંધારણ બનવા જઇ રહ્યું છે, જેમાં નારી(સ્ત્રી)ને ભગવાને માત્ર સંતાનોને જન્મ આપવા માટે જ બનાવી હોવાથી તેના અધિકારોને હિન્દુ ધર્મ અનુસાર સિમિત કરવામાં આવી રહ્યા છે.
વાયરલ થઇ PDF
આ સાથે જ બ્રાહ્મણ સમાજ સિવાયના તમામ વર્ગો હલકી કક્ષાના છે તેવુ બતાવવાનો પ્રયાસ કરાયો હોવાની વાત આલેખવામાં આવી છે. વાયરલ થયેલી PDF અને ડોક્યુમેન્ટ સોશિયલ મીડિયામાં ફરતા થતાં કિસ્સો ટોક ઓફ ધ ટાઉન બન્યો છે. આ મામલે RSSના સ્વયંસેવક તથા જાણીતા વકીલ દિનેશ વાળાએ સાયબર ક્રાઈમ બ્રાન્ચમાં ફરિયાદ નોંધાવી છે.