INX media case ભૂતપૂર્વ ગૃહમંત્રી પી. ચિદમ્બરમ આજે હાજર થવા રાઉઝ એવન્યુ કોર્ટ પહોંચ્યા હતા. કોર્ટમાં પહોંચતાં જ ચિદમ્બરમે પહેલા તેમના વકીલો વિવેક તન્ખા, કપિલ સિબ્બલ અને અભિષેક મનુ સિંઘવી સાથે મુલાકાત કરી હતી. ત્યારબાદ ચિદમ્બરમને કોર્ટના કઠેડામાં ઉભા રાખવામાં આવ્યા હતા.
ચિદમ્બરમની ટીખળ
આ દરમિયાન ચિદમ્બરમે CBI ના અધિકારીઓની ટીખળ કરતા કહ્યું કે, આ કોર્ટરૂમ તો ખુબ જ નાનો છે. મને તો મોટા કોર્ટ રૂમની આશા હતી. શું કોર્ટના તમામ કોર્ટ રૂમ નાના છે. જેના પર CBI ના અધિકારીએ કહ્યું કે, રાઉઝ એવન્યુ કોર્ટના તમામ રૂમ નાના છે. ચિદમ્બરમ હસતા હતા. નોંધનીય છે કે, સમગ્ર મામલા અંગેની સુનાવણી હાથ ધરવામાં આવી છે અને બંન્ને પક્ષોના વકીલ દલીલ કરી હતી.
કોર્ટ બહાર અને અંદર જામી ભીડ
ભરેલા કોર્ટ રૂમની બહાર લોકોની મોટી ભીડ ઉમટી પડી છે. આ સમય દરમિયાન પોલીસે કોર્ટ રૂમનો દરવાજો બંધ કરવાનો પ્રયાસ કર્યો હતો, જેની ન્યાયાધીશે ના પાડી હતી. ન્યાયાધીશે કહ્યું કે દરવાજો બંધ ન કરો. આ સાથે જ બહારના બધા લોકોને ચૂપ રહેવાનું પણ કહેવામાં આવ્યું હતું.
બુધવારની રાતે ચિદમ્બરમની થઇ હતી ધરપકડ
મહત્વનું છે કે ગઇ કાલનાં દિલ્હી કોંગ્રેસ કાર્યાલય ખાતે એકાએક ચિદમ્બરમ હાજર થયા બાદ અંદાજે ત્રણ કલાકનાં નાટક બાદ તેમનાં ઘરેથી 1 કલાકની પૂછપરછ બાદ પી ચિદમ્બરમની સીબીઆઇ દ્વારા ધરપકડ કરવામાં આવી હતી.
DCP આનંદ શર્માની ટીમે ચિદમ્બરમની ધરપકડ કરી હતી. ચૂસ્ત પોલીસ બંદોબસ્ત વચ્ચે તેમની ધરપકડ કરવામાં આવી હતી. ત્યારે સીબીઆઇ દ્વારા તેમની પૂછપરછ માટે સીબીઆઇનાં મુખ્ય કાર્યાલય પણ લઇ જવાયા હતાં.