કબુલાત / ભારતના પૈસે આપણાં ત્યાં ક્રિકેટ છે, BCCI ના હોય તો રસ્તા પર આવી જઈશું: પાકિસ્તાનનું કબૂલનામું

• પાકિસ્તાન ક્રિકેટ બોર્ડના ચેરમેને કર્યુ આકરું નિવેદન
• ICCની કાઉન્સિલની ફંડિંગમાંથી વધુ આત્મનિર્ભર થવાની જરૂર
• પાકિસ્તાનનું ક્રિકેટ બોર્ડ પચાસ ટકા આઈસીસીના ફંડિંગથી ચાલે છે

રમીઝને સતાવી રહ્યો છે ડર

હવે રમીઝ રાઝા વધુ એક નિવેદનને લઇને ચર્ચામાં આવ્યાં છે. જે તેમણે ભારત માટે આપ્યું છે. PCB પ્રમુખ આંતર-પ્રાંતિયએ કો-ઓર્ડિનેશન પર સીનેટની સ્થાયી સમિતિની સાથે બેઠકમાં કશું એવુ કહ્યું છે, જેને પચાવવુ પાકિસ્તાનીઓ માટે મુશ્કેલ રહેશે. પરંતુ આ વાસ્તવિકતા છે. રમીઝ રાઝાએ આ બેઠકમાં ભાર આપ્યો છે કે પીસીબીને આંતરરાષ્ટ્રીય ક્રિકેટ કાઉન્સિલની ફંડિંગમાંથી વધુ આત્મનિર્ભર થવાની જરૂર છે. તેમણે કહ્યું કે પાકિસ્તાનનું ક્રિકેટ બોર્ડ પચાસ ટકા આઈસીસીની ફંડિંગથી ચાલે છે. જ્યારે આઈસીસીને 90 ટકા ફંડિંગ ભારતમાંથી આવે છે. મને ભય છે કે જો ભારત આઈસીસીને ફંડિંગ આપવાનું બંધ કરી દેશે તો પાકિસ્તાન ક્રિકેટ બોર્ડ સંપૂર્ણ રીતે સમાપ્ત થશે. રાઝાએ સ્પષ્ટતા સાથે કહ્યું કે જો ભારત નહીં હોય તો પાકિસ્તાન રસ્તા પર આવી જશે.

તૈયાર રાખ્યો છે Blank Cheque

રમીઝ રાઝાએ કહ્યું, પીસીબી આઈસીસીને જીરો ટકા ફંડિંગ આપે છે. હું પાકિસ્તાન ક્રિકેટ બોર્ડને મજબુત બનાવવા માટે પ્રતિબંદ્ધ છું. એક રોકાણકારનું તો એવુ પણ કહેવુ છે કે જો પાકિસ્તાન આગામી ટી-20 વિશ્વ કપમાં ભારતને હરાવે છે તો પીસીબી માટે એક બ્લેન્ક ચેક તૈયાર મળશે. રમીઝ રાઝાએ કહ્યું કે જો પીસીબી આર્થિક રીતે મજબુત થશે તો ઈંગ્લેન્ડ અને ન્યૂઝીલેન્ડ જેવી ટીમો પાકિસ્તાન પ્રવાસને છોડીને જશે નહીં.

મેદાન પર લઈશું બદલો

રમીઝે કહ્યું કે, જો આપણી ક્રિકેટ ઈકોનોમી મજબૂત હોત તો આપણો ઉપયોગ કરાયો ના હોત અને ન્યૂઝીલેન્ડ અને ઈંગ્લેન્ડ જેવી ટીમો પાકિસ્તાનનો પ્રવાસ અધવચ્ચે છોડીને ના ગઈ હોત. તેમણે કહ્યું કે, બેસ્ટ ક્રિકેટ ટીમ બનાવવી અને બેસ્ટ ક્રિકેટની ઈકોનોમી ઉભી કરવી. આ બંને અલગ-અલગ બાબતો છે.