પંચમહાલ / પાવાગઢ દર્શને જનારા યાત્રિકો પહેલાં આ જાણી લેજો, આવતીકાલ 16 તારીખથી આટલાં દિવસ સુધી રોપ-વે સેવા રહેશે બંધ

• પાવાગઢ દર્શને જતા યાત્રિકો માટે મહત્વના સમાચાર
• 16થી 21 જાન્યુઆરી સુધી રોપ-વે સેવા બંધ રહેશે
• એન્યુઅલ મેન્ટેનન્સ માટે રોપ વે સેવા બંધ રાખવાની જાહેરાત

મકરસંક્રાતિના પાવન પર્વ દરમ્યાન પાવાગઢ જનારા યાત્રિકો માટે મહત્વના સમાચાર સામે આવ્યા છે. એટલે કે આવતીકાલથી 5 દિવસ સુધી પાવાગઢની રોપ-વે સેવા યાત્રિકો માટે બંધ રહેશે. આવતીકાલ તારીખ 16થી 21 જાન્યુઆરી સુધી પાવાગઢની રોપ-વે સેવા બંધ રહેશે.

પાવાગઢ જનારા દર્શનાર્થીઓ માટે મહત્વના સમાચાર: આવતીકાલથી 21 જાન્યુઆરી સુધી પાવાગઢની રોપ-વે સેવા બંધ રહેશે, એન્યુઅલ મેન્ટેનન્સ માટે રોપ-વે સેવા બંધ રાખવા ઉષા બ્રેકોએ કરી જાહેરાત#pavagadh #gujarat #ropeway #vtvgujarati pic.twitter.com/OBDROSwoNm

— VTV Gujarati News and Beyond (@VtvGujarati) January 15, 2023

એન્યુઅલ મેન્ટેનન્સ માટે રોપ-વે સેવા બંધ રહેશે
પાવાગઢ મંદિરે દર્શન માટે આવતા ભક્તોએ પગપાળા મંદિરે પહોંચવું પડશે. જણાવી દઇએ કે, એન્યુઅલ મેન્ટેનન્સ માટે પાવાગઢની રોપ-વે સેવા બંધ રાખવામાં આવી છે જે અંગેની ઉષા બ્રેકોએ જાહેરાત કરી છે. જોકે 21 જાન્યુઆરી બાદ રાબેતા મુજબ રોપ-વે સેવા ભક્તો માટે શરૂ થઇ જશે.

અત્રે નોંધનીય છે કે, યાત્રાધામ પાવાગઢમાં મકરસંક્રાતિના પાવન પર્વ નિમિત્તે ભક્તોનું ભારે ઘોડાપૂર ઉમટ્યું હતું. 2 લાખથી વધુ ભક્તોએ પાવાગઢના દર્શન કર્યા હતા. ભક્તિભાવથી મહાકાળી માંનું ધામ પાવાગઢ ઝૂમી ઉઠ્યું હતું.

થોડા દિવસ અગાઉ પણ 2 દિવસ માટે રોપ-વે સેવા બંધ રહેશે
ઉલ્લેખનીય છે કે, તાજેતરમાં પણ પાવાગઢની રોપ-વે સેવાને સુસવાટાભર્યા પવનના કારણે બે દિવસ સુધી બંધ રાખવામાં આવી હતી. ગુજરાતમાં  સતત વધી રહેલી ઠંડીને કારણે જનજીવન પર અસર પડી છે. ઠંડીથી બચવા લોકો તાપણું અને ગરમ કપડાનો સહાયો લઈ રહ્યાં છે. એવામાં પવનની તેજ ગતિના કારણે તાજેતરમાં જ રોપ-વે સેવાને 2 દિવસ સુધી બંધ રાખવામાં આવી હતી. ત્યારે વધુ એક વખત પાવાગઢની રોપ-વે સેવાને એન્યુઅલ મેન્ટેનન્સ માટે બંધ રાખવામાં આવી છે.