IPLIN
 
  • Home
  • India
  • patna airport spice jet aero plane fire emergency service bihta airforce station

Breaking News / પટનામાં ઈમરજન્સી લેન્ડ કરવામાં આવ્યું સ્પાઈસ જેટનું વિમાન, ફ્લાઈટ ઉડતાની સાથે જ એન્જીનમાં થયો ભડકો

Team VTV 01:00 PM, 19 Jun 22 | Updated: 02:00 PM, 19 Jun 22
Follow us
patna airport spice jet aero plane fire emergency service bihta airforce station

બિહારના પટનામાંથી એક મોટા સમાચાર હાલમાં આવી રહ્યા છે. જ્યાં એક એરપોર્ટ પર સ્પાઈસ જેટના વિમાનનું ઈમરજન્સી લેન્ડીંગ કરાવામાં આવ્યું હતું.

  • બિહારમાં મોટી દુર્ઘટના થતાં રહી ગઈ
  • પટનામાં વિમાનના એન્જીનમાં લાગી આગ
  • તમામ યાત્રીઓ સુરક્ષિત

 

બિહારના પટનામાંથી એક મોટા સમાચાર હાલમાં આવી રહ્યા છે. જ્યાં એક એરપોર્ટ પર સ્પાઈસ જેટના વિમાનનું ઈમરજન્સી લેન્ડીંગ કરાવામાં આવ્યું હતું. દિલ્હી આવી રહેલા વિમાનને પટનાના બિહટા એરફઓર્સ સ્ટેશન પર લેન્ડ કરાવામાં આવ્યું હતું. આ વિમાનમાં કુલ 185 લોકો સવાર હતા. અત્યાર સુધીના રિપોર્ટ અનુસાર, તમામ યાત્રીઓ સુરક્ષિત છે. 

રિપોર્ટમાં જણાવ્યા અનુસાર આ વિમાન પટનાના જયપ્રકાશ ઈંટરનેશનલ એરપોર્ટથી 12 વાગ્યેને 10 મીનિટે ઉડાન ભરી હતી. ટેક ઓફની થોડી મિનિટોમાં જ આ વિમાનના એક પંખામાં આગ લાગી ગઈ. આશ્ચર્યજનક વાત એ હતી કે, વિમાનના પંખામાં લાગેલી આગને નીચે રહેલા લોકોએ જોઈ હતી. લોકોએ જોયું કે, વિમાનના એક પંખામાં આગ લાગી હતી. લોકોએ આ વાતની જાણકારી તાત્કાલિક પટના પોલીસને આપી. ત્યાર બાદ આ ઘટનાની જાણકારી એરપોર્ટને આપવામા આવી. બાદમાં આ વિમાનને પાછુ બોલાવામાં આવ્યું અને ઈમરજન્સી લેન્ડીંગ કરાવામાં આવ્યું હતું. 

પટનાના ડીએમ ચંદ્રશેખર સિંહે કહ્યું કે, આગની ઘટનાની વચ્ચે ટેકનિકલી ગરબડ થઈ શકે છે. એન્જીનિયરીંગ ટીમ આ ઘટનાની તપાસ કરી રહી છે. વિમાનના મુસાફરોનું કહેવુ છે કે, ટેકઓફ દરમિયાન જ વિમાનમાં ખામી સર્જાઈ હતી અને ટેકઓફ દરમિયાન વિમાનમાં ખૂબ અવાજ આવી રહ્યો હતો. મુસાફરોનું કહેવુ છે કે, વિમાન જ્યારે રનવે પરથી હતું, ત્યારથી ખડ ખડ અવાજ આવી રહ્યો હતો. 

Bihar Patna SpiceJet aircraft Emergency landing
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ