જામનગર / પાટીદાર અગ્રણી નરેશ પટેલ પર ભાજપના જ પૂર્વ મંત્રીએ કર્યો નોટોનો વરસાદ, VIDEO થયો વાયરલ

• નરેશ પટેલે માતા ઉમિયાજીના કર્યા દર્શન
• ખોડલધામ ટ્રસ્ટ દ્વારા મંદિરે ધજા ચઢાવવામાં આવી
• પૂર્વ કૃષિ મંત્રી ચિમન સાપરીયાએ કર્યો નોટોનો વરસાદ

જામનગરમાં પાટીદાર અગ્રણી નરેશ પટેલ પર કરાયો નોટોનો વરસાદ 

કડવા પાટીદારના આસ્થાના કેન્દ્ર સિદસર ઉમિયા ધામ ખાતે રજત જયંતિ મહોત્સવ સ્મૃતિ સમારોહનું ભવ્ય આયોજન કરવામાં આવ્યું છે.જેમાં મુખ્યમંત્રી ભૂપેન્દ્ર પટેલ સહભાગી થયા હતા. જે બાદ સાંજે ખોડલધામના ચેરમેન નરેશ પટેલ આવી પહોચ્યા હતા. ખોડલધામના ટ્રસ્ટી અને પાટીદાર અગ્રણી નરેશે પટેલે જામનગર ખાતે ઉમિયામાતાજીના દર્શન કરી આશિર્વાદ મેળવ્યા હતાં. બાદમાં સિદસર ખાતે ખોડલધામ દ્વારા ધ્વજારોહણ કરવામાં આવ્યું હતું. જ્યાં પૂર્વ કૃષિ મંત્રી અને ભાજપના નેતા ચિમન સાપરીયાએ નરેશ પટેલ પર નોટોનો વરસાદ કર્યો હતો.

ખોડલધામ ટ્રસ્ટ દ્વારા મંદિરે ધજા ચઢાવવામાં આવી

સિદસર ઉમિયા ધામ ખાતે નરેશ પટેલે ધ્વજાની પૂજા વિધિ કરી ધ્વજા માથે ચડાવી મંદિરની પ્રદક્ષિણા કરી હતી. આ દરમિયાન નરેશ પટેલ ઉપર ભાજપના નેતા અને રાજ્યના પૂર્વ મંત્રી ચિમન સાપરિયાએ ચલણી નોટોનો વરસાદ કર્યો હતો. ત્યારબાદ સિદસર મંદિર ખાતે આવેલા સંકુલમાં ખોડલધામ ટ્રસ્ટના ચેરમેન નરેશ પટેલ સાથે આગેવાનોએ પાટીદાર સમાજના વિકાસ માટે ચર્ચા કરી હતી.