BIG NEWS / 2022ની ચૂંટણી પહેલા પાટીદાર યુવાનો ફરી એક્શનમાં, PAAS-SPG એક થઈને કરશે આ કામ

• પાટિદાર યુવાનોએ ચૂંટણી પહેલાજ એકશનમાં 
• પાટીદાર અનામન આંદોલન સમિતિએ બેઠક ગોઠવી 
• અલ્પેશ કથરીયા અને લાલજી પટેલ થશે એક 

ગુજરાતમાં હાલ ચૂંટણીનો માહોલ ચે ત્યારે વિધાનસભા ચૂંટણી પહેલા પાટીદાર યુવાનો એકશનમાં આવી ગયા છે. કારણકે પાટીદાર અનામન આંદોલનને  સમિતિ દ્વારા બેઠક ગોઠવવામાં આવી છે. આ બેઠકમાં PAAS અને SPG એકજ છત હેઠળ આવી ગયું છે. જેથી આંદોલનને હવે નવો વેગ મળે તેવી શક્યતા વર્તાઈ રહી છે. 

ખોડલધામના આગેવાનોને પણ આમંત્રણ અપાયું 

આપને જણાવી દઈએ કે અપ્લેશ કથરીયા લાલજી પટેલ પણ આ બેઠકમાં શામેલ થવાના છે. આ બેઠકમાં પાટીદાર યુવાનો પર થયેલા કેસ અને અનામત અંગે ચર્ચા થશે. સાથેજ વિધાનસભા ચૂંટણીને લઈને પણ ચર્ચા થઈ શકે છે. આ બેઠકમાં ઉંઝા અને ખોડલધામના આગેવાનોને પણ પત્ર લખીને આમંત્રણ આપવામાં આવ્યું છે. 

સીએમ ભૂપેન્દ્ર પટેલ લેશે મુલાકાત 

બીજી તરફ  આજે મુખ્યમંત્રી ભૂપેન્દ્ર પટેલ પાટીદાર સમાજના વડાઓને મળવાના છે. સાંજના 6 વાગ્યે તેઓ ગાંધીનગરમાં પાટીદાર સમાજના નેતાઓ સાથે મુલાકાત લેવાના છે. 

ચૂંટણી પહેલા પાટીદાર સમાજ ફરી એકમંચ પર 

આ મુલાકાત ભાજપ તેમજ મુખ્યમંત્રી ભૂપેન્દ્ર પટેલ માટે ઘણી ખાસ રહેશે. કારણકે આ મુલાકાતની અસર આવનારી ચૂંટણી પર જોવા મળી શકે છે. સીએમ ભૂપેન્દ્ર પટેલે 2022ની ચૂંટણી પહેલાજ પાટીદાર સમાજને ફરી એકમંચ પર ભેગો કર્યો છે.

ધાર્મિક સામાજિક સંસ્થઓના વડા સાથે મુલાકાત 

આ મુલાકાતમાં પાટીદાર સમાજના ધાર્મિક તેમજ સામાજિક સંસ્થાઓના વડાઓ સાથે મુખ્યમંત્રી મુલાકાત લેશે. જેમા ખોડલ ધામ તેમજ ઉમિયા ધામના ટ્રસ્ટ આગેવાનો સાથે તેઓ મુકાલાત લેવાના છે. સમગ્ર મુદ્દે પાટીદાર સમાજમાં અત્યાર સુધી મળેલી બેઠકોને લઈને ખાસ વાતચીત કરવામાં આવશે. સાથેજ સમાજના હિતને લઈને પણ ચર્ચા કરવામાં આવી શકે છે.