આકરી સજા / VIDEO : જિંદગીમાં નહીં કરે ચોરી ! લોકોએ મોબાઈલ ચોરને ચાલતી ટ્રેન બહાર લટકાવ્યો, પાડી મરણચીસો

• બિહારના બેગૂસરાયની ઘટના
• ટ્રેનમાં મોબાઈલ ચોરને લોકો કરી ક્રૂર સજા
• ચાલતી ટ્રેનની બારી બહાર લટકાવી દીધો
• હાથ ન છોડશો, ન છોડશો, શખ્સ બૂમો પાડતો રહ્યો 

બિહારના બેગૂસરાયમાં એક ટ્રેનમાં મોબાઈલ ચોરી કરવાનું એક શખ્સને એટલું ભારે પડ્યું કે તે જિંદગીમાં ફરી ક્યારેક ચોરી નહીં કરે. હકીકતમાં લોકોએ મોબાઈલ ચોરનાર એક શખ્સને પકડીને ચાલતી ટ્રેનની બારી બહાર લટકાવી દીધો હતો. આ દરમિયાન શખ્સ હાથ ન છોડશો, ન છોડશો એવી બૂમો પાડતો રહ્યો હતો. 

મોબાઈલ ચોરને લોકોએ ચાલતી ટ્રેનની બહાર લટકાવ્યો 

સોનપુર-કટિહાર રેલ વિભાગના સાહેબપુર કમાલ સ્ટેશને એક પ્રવાસીનો મોબાઈલ ચોરીને બે શખ્સ ભાગ્યાં હતા. બન્ને શખ્સ મોબાઈલ ચોરીને ભાગવા લાગ્યા હતા પરંતુ તેમાંય એક સફળ થયો પરંતુ લોકોએ બીજા ચોરને પકડી શર્ટથી પકડી પાડ્યો હતો અને હવે આ દરમિયાન ગાડી ઉપડી ગઈ અને આ રીતે લોકો તેને બારી બહાર લટકાવીને ઊભા હતા. ઘણા કિલોમીટર સુધી આ ક્રમ ચાલ્યો ગયો. સોશિયલ મીડિયા પર વાયરલ થયેલા વીડિયોમાં જોઈ શકાતું હતું કે એક શખ્સ બારી બહાર લટકી રહ્યો છે અને તે હાથ ન છોડી દેતા, ન છોડી દેતા એવી બૂમો પાડતો રહ્યો હતો. ઘણા કિલોમીટર સુધી શખ્સને આ રીતે લટકતો રાખ્યા બાદ લોકોએ એક સ્ટેશન આવતા તેને છોડી મૂક્યો હતો અને નીચે ઉતરતાં જ રાહતનો શ્વાસ લેતા તે ભાગ્યો હતો પરંતુ હવે તેને જિંદગીનો બોધપાઠ મળી ગયો હતો અને હવે તે ક્યારેય પણ ચોરી નહીં કરે. 

વીડિયો થયો વાયરલ
આ ઘટનાનો એક વીડિયો વાયરલ થયો છે જેમા ચાલતી ટ્રેનની બારી બહાર લટકી રહેલો એક શખ્સ જોવા મળતો હતો.