- બાળકોની રોગચાળામાં ખાસ કાળજી રાખો
- હાલ બાળકોમાં મંકીપોક્સ થવનો ખતરો
- માતાપિતાએ મંકીપોક્સના લક્ષણો પર ધ્યાન આપવું
માતાપિતાની પહેલી ફરજ હોય છે પોતાના બાળકોનું રક્ષણ કરવું. ત્યારે આજકાલ રોગચાળો એટલો વકર્યો છે કે બાળકોને નાની નાની વસ્તુઓમાં પણ ધ્યાન રાખવું પડે છે. છેલ્લે તમે તમારા બાળકને કોરોના રોગચાળાથી બચાવ્યો હશે. હવે મંકીપોક્સનો ખતરો માથા પર મંડરાઈ રહ્યો હોય તેવું લાગી રહ્યું છે. ભારતમાં હજુ પણ દરેક વ્યક્તિ મંકીપોક્સથી વાકેફ નથી. તમને જણાવી દઈએ કે જે રીતે આ નવા રોગો લોકોમાં ધીરે ધીરે ફેલાઈ રહ્યા છે, જે ચિંતાનો વિષય છે, તમારે તેના વિશે સંપૂર્ણ જાણકારી હોવી જોઈએ. જો તમે આ માહિતીથી વંચિત રહેશો, તો પછી તમે તમારા બાળકોને તેમનાથી કેવી રીતે દૂર રાખી શકશો?
બાળકોમાં જાણકારીનો અભાવ
આજે અમે તમને મંકીપોક્સ સાથે જોડાયેલી માહિતી આપશું. જેથી તમે તમારા બાળકોની સુરક્ષા કરી શકો. હકીકતમાં નાના બાળકોને આ વાયરસની કોઈ સમજ નથી હોતી. પોતાને આ રોગોથી કેવી રીતે બચાવવી તે તેઓ જાણતા નથી, તેથી તે મહત્વનું છે કે તમે તમારા બાળકોમાં આ લક્ષણો અને ફેરફારોને જાણો, જે બાળકોમાં મંકીપોક્સના લક્ષણો હોઈ શકે છે.
મંકીપોક્સનું જોખમ બાળકોમાં વધારે
તમને જણાવી દઈએ કે મંકીપોક્સ વાયરસ એક પ્રકારનો ઝેનોટિક રોગ છે જે ઝડપથી ફેલાય છે. સૌથી વધુ ભોગ બાળકો, વૃદ્ધો અને એવા લોકોનો થાય છે જેમની રોગપ્રતિકારક શક્તિ નબળી હોય છે. સાથે જ ડબ્લ્યુએચઓનું કહેવું છે કે સામાન્ય રીતે બાળકોમાં ગંભીર કેસ જોવા મળે છે. આ વાયરસનું જોખમ ઉંમર, સ્વાસ્થ્ય અને સ્થિતિ વગેરે સાથે સંબંધિત છે. એક રિપોર્ટ અનુસાર, બેક્ટેરિયલ સુપર ઇન્ફેક્શન, સેપ્સિસ, કેરાટાઇટિસ, ટ્રાન્ઝીજલ ફોલ્લાને કારણે શ્વસન સંબંધી રોગો જેવા રોગો ઉપરાંત બાળકો અને ન્યુમોનિયાનો ભોગ બનેલા લોકોમાં મંકીપોક્સનું જોખમ વધારે છે.
લક્ષણો
મંકીપોક્સ દરમિયાન પ્રારંભિક લક્ષણો ફ્લૂ જેવા દેખાશે. સાથે જ બાળકોમાં સામાન્ય તાવ, માથામાં તીવ્ર દુખાવો, પીઠનો દુખાવો, માંસપેશીઓમાં દુખાવો અને સુસ્તી અને શરીરમાં ફોલ્લીઓ જેવા લક્ષણો જોઈને તમે તેને અનુભવી શકો છો. તાવના ત્રીજા દિવસે શરીરમાં ફોલ્લીઓ જોવા મળશે. તમને ઓરલ ટીસ્યુ, હાથની હથેળીઓ, પગના તળિયા અને ખાનગી ભાગો પર પણ આ ફોલ્લીઓના નિશાન જોઈ શકો છો. ફોલ્લીઓ અથવા જખમની સંખ્યા બદલાઈ શકે છે.
કેવી રીતે બચવું
તમારા બાળકોને આ વાયરસથી બચવવા માટે થોડી કાળજીઓ લેવી જોઈએ. તમારું બાળક કઈ કઈ જગ્યાએ જાય છે, શું કરે છે એનું ખાસ ધ્યાન રાખવું. સાથે જ ઘરમાં સ્વચ્છતા જાળવો કોઇપણ બીમાર વ્યક્તિ છે તો તેનાથી બાળકોને દુર રાખો સાથે જ બાળકોના મોઢા અને નાકને ઢાંકીને રાખો. જાહેર જગ્યાએથી આવ્યા પછી મોઢું અને હાથને સરખી રીતે સાફ કરો.
