- ત્રીજી લહેરના ભણકારા?
- બેંગલુરુમાં બાળકોમાં કોરોનાના કેસ વધ્યા
- આ તરફ કેરળમાં નોંધાયા સૌથી વધુ કેસ
ગત 1 થી 11 ઓગસ્ટ દરમિયાન 0-18 ઉંમર ધરાવતા 543 બાળકો કોરોના સંક્રમણનો શિકાર થયાં, આટલી મોટી સંખ્યામાં બાળકોમાં કોરોનાનું સંક્રમણ ફેલાતા સમગ્ર રાજ્યમાં હડકંપ મચી જવા પામ્યો હતો. જો કે, આ ઘટનાથી ત્રીજી લહેર બાળકોને શિકાર બનાવશે તે વાત સ્પષ્ટ થઈ છે.
બેંગાલુરૂ મહાનગરપાલિકા દ્વારા જાહેર કરવામાં આવેલ આંકડા પ્રમાણે, 1 થી 11 ઓગસ્ટ દરમિયાન 0-9 ઉંમરના 88 બાળકો, 10-19 ઉંમરના 305 બાળકો કોરોનાનો શિકાર થયાં હતા. આ વચ્ચે કર્ણાટક સરકાર પણ જાહેરાત કરી ચૂકી હતી કે, 9 થી 12 ક્લાસ વચ્ચે સ્કૂલ ફરી ખોલવામાં આવી શકે છે. શાળાઓ આ મહિનાના અંત સુધીમાં ખોલવામાં આવી શકે છે.
શું કહ્યું આરોગ્ય વિભાગના અધિકારીએ ?
આરોગ્ય વિભાગના એક અધિકારીએ જણાવ્યું હતું કે, બાળકોમાં કોરોનાના કેસ કેટલાક દિવસથી 3 ગણા વધી શકે છે અને તે ખૂબ જ ચિંતાનો વિષય છે. તેમણે ઉમેર્યું કે, અમે માત્ર એટલું જ કરી શકીએ છીએ કે, આ વાયરસથી પોતાના બાળકોને સુરક્ષિત રાખવા માટે તેમને ઘરની અંદર રાખવામાં આવે, મોટાની તુલનામાં બાળકોની રોગ પ્રતિકારક શક્તિ એટલી વધુ હોતી નથી. માટે જરૂરી છે કે, પોતાના બાળકોને ઘરની અંદર રાખવામાં આવે.
રાજ્યમાં કડક બન્યા કોવિડ નિયમો
કર્ણાટક સરકારે પહેલા જ આદેશ આપ્યા છએ કે, રાજ્યમાં નાઈટ કર્ફ્યૂ અને વીકેન્ડ કર્ફ્યૂની વ્યવસ્થા યથાવત રહેશે. આ સિવાય કેરળ અને મહારાષ્ટ્ર સાથે જોડાયેલી સીમાઓ બંધ રહેશે. માત્ર તેવા લોકોને જ પ્રવેશ આપવામાં આવશે જેમનો RTPCR રિપોર્ટ 72 કલાક પહેલા નેગેટિવ આવ્યો હોય.
કેરળમાં ફરી સૌથી વધુ કોરોનાના કેસ નોંધાયા
ઉલ્લેખનીય છે કે, કેરળમાં 114 લોકોના મોત થયાં. જેથી રાજ્યમાં અત્યાર સુધીમાં મૃત્યુ પામેલા લોકોની સંખ્યા વધીને 18,394 પર પહોંચી છે. તો ગત 24 કલાક દરમિયાન કોરોનાના 20,452 નવા કેસ નોંધાયા છે.આમ રાજ્યમાં અત્યાર સુધીમાં 36,52,090 નવા કેસ નોંધાયા છે. રાજ્યના આરોગ્ય મંત્રી વીના જ્યોર્જે જણાવ્યું હતું કે, રાજ્યમાં ગત 24 કલાક દરમિયાન 1,42,501 સેમ્પલનું ટેસ્ટિંગ કરવામાં આવ્યું હતું જેમાં પોઝિટિવીટી રેટ 14.35 જોવા મળ્યો.
