ગૌરવ / ગુજરાતમાં આ જગ્યાએ દરરોજ બને છે 1 લાખ પાણીપુરી, વિદેશમાં પણ થાય છે એક્સપોર્ટ

• ગુજરાતના યુવાનોની અનોખી પહેલ
• પાણીપુરીને પહોંચાડી વૈશ્વિક સ્તરે
• મહેસાણામાં દરરોજ બને છે 1 લાખ નંગ પાણીપુરી 

ભારતમાં સ્ટ્રીટ ફૂડની વૈવિધ્યતા વિશાળ છે પરંતુ તેની વિભાવના વિચિત્ર છે. ભારતનું સ્ટ્રીટ ફૂડ જ્યારે ભારતીય બજારોમાં વેચાય છે ત્યારે લારી ગલાલાઓ તેને બનાવવામાં આવે છે અને વેંચવામાં આવે છે. હાઇજેનિક રાખવા માટે ખાસ કોઈ તકેદારી રાખવામાં નથી આવતી. સ્ટ્રીટ ફૂડ વેંચનાર લોકો તેને હાથથી સ્પર્શે છે અને ક્યારેક તો આવી રીતે પગેથી છૂંદે છે. ભારતનું એ જ સ્ટ્રીટ ફૂડ જ્યારે વિદેશમાં એક્સપોર્ટ થાય છે ત્યારે તેના હાઇજેન માટે ખૂબ તકેદારી રાખવામાં આવે છે. તેની બનાવટ, તેમાં વપરાતા મસાલા, તેના પેકિંગ અને ટ્રાંસપોર્ટેશનના જુદા જુદા તબક્કે ખાસ કાળજી રાખવામાં આવે છે. 

મહેસાણામાં બે યુવાનોએ પાણીપુરીના વ્યવસાયને આપ્યું વૈશ્વિક સ્વરૂપ

કારણ કે એ દેશોમાં ફૂડ સેફ્ટીના સ્ટાન્ડર્ડ નક્કી કરવામાં આવ્યા છે અને તે સ્ટાન્ડર્ડમાં ખરી ઉતરતી પ્રોડક્ટ જ ત્યા વેંચી શકાય છે. જ્યારે ભારતમાં સ્થિતિ ઉલ્ટી છે. પરંતુ મહેસાણામાં બે યુવાનોએ પાણીપુરીના વ્યવસાયને વૈશ્વિક સ્વરૂપ આપ્યું છે અને વર્લ્ડ ક્લાસ પ્રોડક્ટનું નિર્માણ શરુ કર્યુ છે. યુવાનોએ મહેસાણાથી પાણીપુરીનો વ્યવસાય અમેરિકા સુધી લંબાવ્યો છે. 

મહેસાણાની ફેક્ટરીમાં તૈયાર થાય છે દરરોજની 1 લાખ પાણીપુરી 

મહેસાણામાં રાજ્યની પહેલી પાણીપુરી બનાવતી ફેકટરી શરૂ કરવામાં આવી છે. આ ફેક્ટરીમાં રોજની 1 લાખ પાણીપુરી તૈયાર કરવામાં આવે છે.. રિયો નામની પાણીપુરી તૈયાર કરતી આ ફેકટરીમાં પુરીથી માંડીને તમામ વસ્તુ મશીનમાં તૈયાર કરવામાં આવ્યા છે. તો પાણીપુરી માટે તૈયાર કરવામાં 32 જેટલા અલગ અલગ મસાલાઓનો પણ ઉપયોગ કરવામાં આવે છે. પાણી માટે રાજસ્થાનમાથી ખાસ ફુદીનો મગાવવામાં આવે છે. પાણીપુરી બનાવવાના તમામ તબક્કે સ્વાસ્થ્યપ્રદની ખાસ કાળજી રાખવામાં આવે છે. ગ્રાહકોને આરોગ્યપ્રદ પાણીપુરી મળે તે માટે તેને બનાવવાની પણ ખાસ વ્યવસ્થા છે. 

ખાસ પ્રકારના સ્ટોલમાં વહેંચાય છે હાયજેનિક પાણીપુરી 

આ તૈયાર થયેલી પાણીપુરીને વેંચવા માટે બજારમાં એક ખાસ પ્રકારનો સ્ટોલ તૈયાર કરવામાં આવે છે. પાણીપુરીના ઉત્પાદનથી માંડીને વેચાણ સુધીની તમામ વ્યવસ્થા એક જ સ્થળે થી કરવામાં આવે છે. આ માટે 1 લાખ રૂપિયાની કિંમતના ખાસ સ્ટોલ લગાવવામાં આવશે. 

ગુજરાતની ગલીઓમાં બ્રાન્ડેડ પાણીપુરી વહેંચાશે 

જેમાં આ પાણીપુરીનું વેચાણ કરવામાં આવશે. કંપની કોઈને ફ્રેંચાઇઝ આપવાને બદલે પોતે જ આવા સ્ટોલ સંભાળી શકે તેવા લોકોને રોજગારી આપશે. હાઇજેનિક પાણીપુરીનો કોન્સ્ટેપ્ટ જો સફળ રહ્યો તો ખૂબ ટૂંકા સમયમાં ગુજરાતની ગલીઓમાં બ્રાન્ડેડ પાણીપુરી વેચાતી જોવા મળી શકે છે.