ભૂખમરો / રમઝાન મહિનામાં ભૂખના માર્યા તૌબા તૌબા પોકારી ઉઠયા પાકિસ્તાની, ફ્રી રાશન લેવા મચેલી ભાગદોડમાં 12ના મોત

• કરાંચીના નૌરસ સ્ક્વેર ખાતે દુર્ઘટના
• 8 મહિલા સહિત 12 લોકોના મોત
• મફતમાં રાશન મેળવવા માટે પાકિસ્તાનીઓએ દોટ લગાવતા અફરાતફરી

મંદી, મોંઘવારી, બેરોજગારી અને ભૂખમરાને લઈને પાકિસ્તાનવાસીઓની હાલત ગંભીર બની છે. આવી સ્થિતિ વચ્ચે મફતમાં રાશન મેળવવા માટે પાકિસ્તાનીઓએ દોટ લગાવવી હતી જ્યાં પડાપડી અને અફરાતફરીનો માહોલ સર્જાતા 12 લોકોના મોત થયા હોવાના સમાચાર સામે આવી રહ્યા છે. આ ઉપરાંત અનેક લોકો ઘાયલ થયા હોવાનું પણ સામે આવ્યું છે. આ દુર્ઘટના કરાંચીના નૌરસ સ્ક્વેર ખાતે થઇ હતી. ઉલ્લેખનીય છે કે લાંબા સમયથી ભૂખમરાગ્રસ્ત પાકિસ્તાનમાં આવા સમાચાર અવારનવાર સામે આવી રહ્યા છે.

મોતને શરણ થયેલ વ્યક્તિઓમાં આઠ મહિલા અને ત્રણ થી ચાર બાળકો

કરાંચીના નૌરસ સ્ક્વેર ખાતે ઇન્ડસ્ટ્રીયલ એરિયામાં રમજાન માસ નિમિત્તે ફ્રીમાં રાશન વિતરણનું આયોજન કરવામાં આવ્યું હતું. દર વર્ષની પરંપરા મુજબ આ રાશન વિતરણ કરાઈ રહ્યું હતું. જેમાં લોકો મફત રાસનની દોડ લગાવતા અવ્યવસ્થા ઊભી થઈ હતી. મોતને શરણ થયેલ વ્યક્તિઓમાં આઠ મહિલા અને ત્રણ થી ચાર બાળકોનો સમાવેશ થાય છે. આ મામલે તાત્કાલિક દોડી જઈ સેવાભાવીઓએ ઈજાગ્રસ્તોને બચાવવા અને હોસ્પિટલ દાખલ કરવા સહિતની કાર્યવાહી હાથ ધરી હતી. જેમાં અનેક લોકો ગંભીર રીતે ઇજાગ્રસ્ત થયા હોવાનું બહાર આવ્યું છે.

અગાઉ વાયરલ થયેલ વિડીયો

Situation in #Sindh
Food crisis in Neuclear Power People r fighting for 10 kg bag of flour 🤔🤔🤔🤔 pic.twitter.com/ChWGDfOk5Z

— ᴴᵘᵐˢᵃᶠᵃʳ⚡ (@humsafar2706) January 10, 2023

ફુગાવાનો દર 47% એ પહોંચી ગયો
ઉલ્લેખનીય છે કે આર્થિક સંકટ વચ્ચે ઘેરાયેલા પાકિસ્તાનમાં ફેક્ટરીઓને અલીગઢથી તાળા લાગી ગયા છે. પરિણામે અનેક મજૂરો ઘર ભેગા થઈ ગયા છે જેમની રોજગારીનો કોઈ અવકાશ નથી. તો ભૂખ મરાથી લોકો પીડાઈ રહ્યા છે અને તાજેતરમાં જ બહાર પડેલા ફુગાવાનો દર 47% એ પહોંચી ગયો છે અને મોંઘવારીએ પણ આસમાન આંબી તમામ રેકોર્ડ તોડી નાખ્યા છે.