હદ વટાવી / ક્રૂરતાની હદ વટાવી, ડાન્સ અને મોડલિંગ કરવા બદલ સગી બહેનને મોતને ઘાટ ઉતારી દીધી, પાકિસ્તાનની ઘટના

• ડાન્સ અને મોડેલિંગ કરવા પર કરી બહેનની હત્યા 
• ગુસ્સામાં આવીને પોતાની જ બહેનને મારી ગોળી 
• પાકિસ્તાનની ઘટના 

ડાન્સ અને મોડેલિંગ કરવા પર કરી બહેનની હત્યા 

ઓનર કિલિંગનાં હજુ એક મામલામાં 21 વર્ષીય એક પાકિસ્તાની મહિલાની કથિત રૂપે તેના જ ભાઈએ ગોળી મારીને હત્યા કરી છે. આ મહિલા પંજાબ પ્રાંતમાં નૃત્ય અને મોડેલિંગ કરતી હતી, જેને કારણે તેની હત્યા કરવામાં આવી. સિદરા, રાજધાની લાહોરથી 130 કિલોમીટર દૂર રેનાલા ખુર્દ ઓકારામાં એક સ્થાનિક કપડાની બ્રાંડ માટે મોડેલિંગ અને પોતાના પરિવારની વિરુદ્ધ જઈને ફેસલાબાદનાં એક થીએટરમાં ડાન્સ કરતી હતી. પોલિસે આ જાણકારી આપી છે. 

સિદરાનાં માતા પિતાએ આ બાબતને 'પરિવારની પરંપરા વિરુદ્ધ' જણાવતા તેને પોતાનું પ્રોફેશન છોડવા માટે દબાણ કર્યું, પરંતુ સિદરાએ તે કાયમ રાખવા પર ભાર મુક્યો. પોલિસે જણાવ્યું કે સિદરા ગયા અઠવાડિયે પરિવાર સાથે ઈદ મનાવવા માટે ઘરે આવી હતી. 

ગુસ્સામાં આવીને પોતાની જ બહેનને મારી ગોળી ​​​​​​​
ગુરુવારે, સિદરાનાં માતા પિતા અને ભાઈ હમજાએ નૃત્ય કરવા પર તેની સાથે મારપીટ કરી. અધિકારીઓએ જણાવ્યું કે પછી હમજાએ સિદરાને ગોળી મારી તેની હત્યા કરી. આરોપી સામે હત્યાની ફરિયાદ દાખલ કરાઈ છે. પોલિસે ગુનો કબૂલ કરવા પર હમજાને અરેસ્ટ કર્યાનો દાવો કર્યો છે. 

પાકિસ્તાનનાં આદિવાસી ક્ષેત્રોમાં આવતા રહે છે આવા મામલાઓ 
પોલીસ અધિકારી ફરાઝ હામિદે કહ્યું કે હમજા સિદરા પર તે સમયે ક્રોધિત થઇ ગયો હતો, જ્યારે હમજાને તેના કોઈ સંબંધીએ સિદરાનાં નૃત્યનો વીડિયો મોકલ્યો. હમજાએ પોલીસને જણાવ્યું કે ગુસ્સામાં આવીને તેણે પોતાની બહેનની હત્યા કરી. પાકિસ્તાનમાં ખાસ કરીને ઉત્તર અને પશ્ચિમમાં આદિવાસી ક્ષેત્રો નજીક ઓનર કિલિંગનાં મામલાઓ સામે આવતા રહે છે.