ટી-20 વર્લ્ડકપમાં કોઈ પણ ટીમ અપરાજિત રહીને ખિતાબ જીતી શકી નથી
2007માં પાકિસ્તાની ટીમને હરાવીને ટી-20 વર્લ્ડકપ ટ્રોફી જીતી હતી
2014માં શ્રીલંકાએ ફાઇનલમાં ભારતને હરાવીને ટી-20 વર્લ્ડકપ જીત્યો હતો
ટી-20 વર્લ્ડકપના ઈતિહાસમાં કોઈ પણ ટીમ અપરાજિત રહીને ખિતાબ જીતી શકી નથી
ટી-૨૦ વર્લ્ડકપના ઇતિહાસ પર નજર કરવામાં આવે તો કોઈ પણ ટીમ અપરાજિત રહીને ખિતાબ જીતી શકી નથી. આ સિલસિલો ૨૦૨૧માં પણ જારી જ રહ્યો છે. આ વર્ષે ફાઇનલમાં પહોંચનારી ટીમ ન્યૂઝીલેન્ડ અને ઓસ્ટ્રેલિયાને પોતાની ગ્રૂપ મેચમાં ક્રમશઃ પાકિસ્તાન અને ઈંગ્લેન્ડ સામે હારનો સામનો કરવો પડ્યો હતો. પાકિસ્તાન પાસે આ વખતે અજેય રહીને ટ્રોફી જીતવાની સોનેરી તક હતી, પરંતુ પાક. ટીમ ફાઇનલમાં પહોંચી શકી નહીં.
2014માં શ્રીલંકાએ ફાઇનલમાં ભારતને હરાવીને ટી-20 વર્લ્ડકપ જીત્યો હતો
2014ના ટી-20 વર્લ્ડકપમાં શ્રીલંકાએ ફાઇનલમાં ભારતને છ વિકેટે હરાવીને પહેલી વાર ટી-20 વર્લ્ડકપ જીત્યો હતો. એ ખિતાબી સફરમાં શ્રીલંકાની ટીમનો એકમાત્ર પરાજય ઈંગ્લેન્ડ સામે થયો હતો.2016માં રમાયેલા છેલ્લા ટી-20 વિશ્વકપમાં વિન્ડીઝે રોમાંચક મુકાબલામાં ઈંગ્લેન્ડને ચાર વિકેટે માત આપીને ખિતાબ જીત્યો હતો. ચોંકાવનારી વાત એ હતી કે ચેમ્પિયન વિન્ડીઝને સુપર-10ની મેચમાં અફઘાનિસ્તાન સામે છ રને પરાજયનો સામનો કરવો પડ્યો હતો.
.jpg)
2007માં પાકિસ્તાની ટીમને હરાવીને ટી-20 વર્લ્ડકપ ટ્રોફી જીતી હતી
2007માં ધોનીની કેપ્ટનશિપવાળી ભારતીય ટીમે પાકિસ્તાની ટીમને હરાવીને ટી-20 વર્લ્ડકપ ટ્રોફી જીતી હતી, પરંતુ એ દરમિયાન ભારતીય ટીમનો ન્યૂઝીલેન્ડ સામે ગ્રૂપ મેચમાં 10 રને પરાજય થયો હતો. પછી 2009ના ટી-20 વિશ્વકપમાં પાકિસ્તાનની ટીમ શ્રીલંકાને હરાવીને ચેમ્પિયન બની હતી, પરંતુ એ ખિતાબી સફર દરમિયાન પાક. ટીમનો શ્રીલંકા અને ઈંગ્લેન્ડ સામે ગ્રૂપ મેચમાં પરાજય થયો હતો.2010માં ઈંગ્લેન્ડે પહેલી વાર આઇસીસી ટ્રોફી પર કબજો જમાવ્યો હતો. એ ટી-20 વર્લ્ડકપની ફાઇનલમાં ઈંગ્લેન્ડે કાંગારું ટીમને સાત વિકેટે માત આપી હતી. ગ્રૂપ મેચમાં વિન્ડીઝ સામે ઈંગ્લેન્ડનો પરાજય થયો હતો, પછી 2012ના ટી-20 વર્લ્ડકપમાં વિન્ડીઝની ટીમે શ્રીલંકાને ફાઇનલમાં હરાવીને ટી-20 ટ્રોફી પર કબજો જમાવ્યો હતો. એ વર્લ્ડકપમાં શ્રીલંકા સામે જ વિન્ડીઝનો ગ્રૂપ મુકાબલામાં પરાજય થયો હતો.
