IPLIN
 

BIG BREAKING / ઈમરાન ખાનને મોટી રાહત: પાકિસ્તાનની નેશનલ અસેંબલીમાં અવિશ્વાસ પ્રસ્તાવ રદ, રાષ્ટ્રપતિએ સંસદ ભંગ કરી

Team VTV 01:00 PM, 03 Apr 22 | Updated: 02:19 PM, 03 Apr 22
Follow us
pakistan pm imran khan no trust vote live updates

પાકિસ્તાનના રાજકારણમાંથી મોટા સમાચાર આવ્યા છે, જેમાં પાકિસ્તાનની નેશનલ અસેંબલીમાંથી ઈમરાન ખાન વિરુદ્ધના અવિશ્વાસ પ્રસ્તાવને ફગાવી દેવામાં આવ્યો છે.

  • પાકિસ્તાનના રાજકારણમાંથી આવ્યા મોટા સમાચાર
  •  ઈમરાન ખાન વિરુદ્ધનો અવિશ્વાસ પ્રસ્તાવ સ્પિકરે ફગાવ્યો
  • ઈમરાન ખાન અને રાષ્ટ્રપતિ વચ્ચે થઈ મુલાકાત

પાકિસ્તાનના રાજકારણમાંથી મોટા સમાચાર આવ્યા છે, જેમાં પાકિસ્તાનની નેશનલ અસેંબલીમાંથી ઈમરાન ખાન વિરુદ્ધના અવિશ્વાસ પ્રસ્તાવને ફગાવી દેવામાં આવ્યો છે. અવિશ્વાસ પ્રસ્તાવ રદ થયાં બાદ ઈમરાન ખાને પાકિસ્તાનની જનતાને સંબોધન કર્યું હતું. જેમાં તેમણે રાષ્ટ્રપતિ પાસે સંસદભંગની માગ કરી છે અને વહેલામાં વહેલી તકે દેશમાં ચૂંટણી કરાવાની માગ કરી છે. 

90 દિવસમાં થશે ચૂંટણી

જે બાદ રાષ્ટ્રપતિએ સંસદ ભંગ કરી છે, અને આગામી 90 દિવસની અંદર પાકિસ્તાનમાં સામાન્ય ચૂંટણી યોજાશે. પાકિસ્તાનના મંત્રી ફવાદ ચૌધરીએ કહ્યું કે, સંવિધાનના અનુચ્છેદ 224 અંતર્ગત પ્રધાનમંત્રી પોતાના કર્તવ્યો ચાલુ રાખશે. મંત્રીમંડળ ભંગ કરવામાં આવ્યું છે. 

અવિશ્વાસ પ્રસ્તાવ રદ

પાકિસ્તાનની નેશનલ અસેંબલીમાં ઈમરાન ખાન સરકાર વિરુદ્ધ લાવવામાં આવેલા અવિશ્વાસ પ્રસ્તાવને ફગાવી દેવામાં આવ્યો છે. ડેપ્યુટી સ્પિકર કાસિમ ખાન સૂરીએ વિદેશી ષડયંત્રનો આરોપ લગાવીને નેશનલ અસેંબલીમાં ડેપ્યુટી સ્પિકર કાસિમ ખાન સૂરીએ અવિશ્વાસ પ્રસ્તાવને ફગાવી દીધો છે. અને સદનમાં વોટિંગ થવા દીધું નહોતું. તેની સાથે જ પાકિસ્તાનની નેશનલ અસેંબલીની કાર્યવાહી પણ સ્થગિત કરી દેવામા આવી હતી. સંસદની આગામી બેઠક 25 એપ્રિલે આયોજીત કરવામાં આવશે.

રાષ્ટ્રપતિ આરિફ અલ્વી સાથે પીએમ ઈમરાન ખાનની બેઠક

હાલમાં સમાચાર આવી રહ્યા છે કે, પીએમ ઈમરાન ખાન હાલના સમયમાં રાષ્ટ્રપતિ આરિફ અલ્વી સાથે બેઠક કરી રહ્યા છે. બંને વચ્ચે ગંભીર મંત્રણા ચાલી રહી છે. આ બાજૂ ડેપ્યુટી સ્પીકર કાસિમ ખાને નેશનલ અસેંબલીની કાર્યવાહી શરૂ કરી દીધી છે. 

પાકિસ્તાનના ગૃહમંત્રી શેખ રશીદે દાવો કર્યો છે. પાકિસ્તાનના પ્રધાનમંત્રી ઈમરાન ખાનની ધરપકડ થઈ શકે છે. શેખ રશીદે કહ્યું કે, મને લાગે છે કે, તે ઈમરાન ખાનને ધરપકડ કરી શકે છે. તેઓ ઈમરાન ખાનને સાંખી નહીં લે. એકસો પંચાવન સભ્યો રાજીનામા આપી શકે છે, જે લોકતંત્ર માટે મોટો ખતરો છે. આ સ્થિતિનું એક માત્ર સમાધાન ચૂંટણી છે. શેખ રશીદે કહ્યું કે, પાકિસ્તાનની એજન્સીઓએ દખલ આપવી જોઈએ અને ચૂંટણીનો રસ્તો સ્પષ્ટ કરવો જોઈએ.

ઈસ્લામાબાદમાં કલમ 144 લાગૂ

પીએમ ઈમરાન ખાન આજે નેશનલ અસેંબલીમાં અવિશ્વાસ પ્રસ્તાવનો સામનો કરવા તૈયાર થયા છે. આ તમામની વ્ચચે જિલ્લા પ્રશાનસે ઈસ્લામાબાદમાં કલમ 144 લાગૂ કરી દીધી છે. 

 

pakistan Imran khan no trust vote પાકિસ્તાન ઈમરાન ખાન નેશનલ અસેંબલી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ