નિર્ણય / કમાલ કરી! પાકિસ્તાને બનાવ્યો એવો ગજબનો કાયદો કે દુનિયામાં થઈ ગઈ ચર્ચા

• પાકિસ્તાની સંસદનો ગજબનો નિર્ણય
• બળાત્કારીઓનું કરાશે રાસાયણિક કાસ્ટ્રેશન
• દુનિયામાં પાકિસ્તાનના કાયદાની થઈ ચર્ચા

દેશમાં મહિલાઓ અને બાળકીઓ વઘી રહેલા યૌન અપરાધો બાદ પાકિસ્તાનની પ્રજામાં આક્રોશ ફેલાયો હતો, ત્યારે સરકારે દબાણવશ થઈને આ બિલને મંજૂરી આપી છે. 

પાકિસ્તાની સંસદે લીધો નિર્ણય 

બુધવારે પાકિસ્તાની સંસદના સંયુક્ત સત્ર દરમિયાન નવા બળાત્કાર વિરોધી કાયદાની સાથે 33 અન્ય બિલો પણ પસાર કરવામાં આવ્યા હતા. રાસાયણિક કાસ્ટ્રેશન(ખસીકરણ) એ વડા પ્રધાન દ્વારા બનાવેલ નિયમો દ્વારા યોગ્ય રીતે સૂચિત પ્રક્રિયા છે, જેમાં કોઈ માણસ તેના જીવનના કોઈપણ સમયગાળા માટે જાતીય સંભોગ કરવા માટે અસમર્થ બને છે.

જો કે પાકિસ્તાનના કેટલાક સાંસદો પણ આ કાયદાનો વિરોધ કરી રહ્યા છે. જમાત-એ-ઈસ્લામીના સાંસદ મુશ્તાક અહેમદે આ બિલનો વિરોધ કર્યો અને તેને શરિયા વિરુદ્ધ બિન-ઈસ્લામિક ગણાવ્યું. તેમણે કહ્યું કે બળાત્કારીઓને જાહેરમાં ફાંસી આપી શકાય છે પરંતુ શરિયામાં ખસીકરણનો કોઈ ઉલ્લેખ નથી.

શું થાય છે આ ક્રિયા કરવાથી 

રાસાયણિક કાસ્ટ્રેશન હેઠળ, આવી દવાઓ આપવામાં આવે છે, જે જાતીય પ્રવૃત્તિ ઘટાડે છે. રાસાયણિક કાસ્ટ્રેશન દક્ષિણ કોરિયા, પોલેન્ડ, ચેક રિપબ્લિક અને કેટલાક યુએસ રાજ્યોમાં કાયદેસર છે. જો કે, ટીકાકારો એમ પણ કહે છે કે પાકિસ્તાનમાં જાતીય હુમલો અને બળાત્કારના માત્ર 4 ટકા કેસો દોષિત ઠેરવવામાં આવે છે.જો કે, પાકિસ્તાનના આ નવા કાયદાની દુનિયાભરમાં ચર્ચા થવા લાગી છે.