વિવાદ / ક્રિકેટનું આ ફૉર્મેટ ખતમ થઇ જવું જોઈએ : પાકિસ્તાની ફાસ્ટ બોલરના નિવેદનથી હડકંપ મચ્યો

• પાકિસ્તાનના મહાન ફાસ્ટ બોલર વસીમ અકરમનુ નિવેદન
• વન-ડે ક્રિકેટ હવે જૂની થઇ, ફોર્મેટ સમાપ્ત કરી દેવુ જોઈએ
• બેન સ્ટોક્સના વન-ડે ક્રિકેટમાંથી સંન્યાસ લીધા બાદ અકરમનુ નિવેદન

અકરમના નિવેદનથી ફેલાઈ સનસની 

ઈંગ્લેન્ડના ઓલરાઉન્ડર બેન સ્ટોક્સના વન-ડે ક્રિકેટમાંથી અચાનક સંન્યાસ લીધા બાદ અકરમે આ નિવેદન આપ્યું છે. ત્યારબાદ 50 ઓવરની ક્રિકેટના અસ્તિત્વને લઇને ચર્ચા છેડાઈ છે. અકરમે વૉની એન્ડ ટફર્સ ક્રિકેટ ક્લબ પૉડકાસ્ટમાં કહ્યું, મને લાગે છે કે વન-ડે ક્રિકેટ સમાપ્ત થવી જોઈએ. ઈંગ્લેન્ડમાં સ્ટેડિયમ ખિચોખિચ ભરેલુ હોય છે, પરંતુ ભારત, પાકિસ્તાન, શ્રીલંકા, બાંગ્લાદેશ અને દક્ષિણ આફ્રિકામાં વન-ડે ક્રિકેટમાં સ્ટેડિયમ ખાલી રહે છે. તેમણે કહ્યું, માત્ર નામ માટે વન-ડે ક્રિકેટ કરવામાં આવ્યું છે. આ ફોર્મેટ હવે જૂનુ થઇ ગયુ છે.

સ્ટોક્સના સંન્યાસ બાદ થયો હોબાળો 

અકરમે કહ્યું, સ્ટોક્સનો વન-ડે ક્રિકેટ છોડવાનો નિર્ણય દુ:ખદ છે. પરંતુ હું તેની સાથે છુ. એક કોમેન્ટેટર તરીકે પણ વન-ડે ક્રિકેટ હવે ખેંચાઈ રહ્યું છે. ખાસ કરીને ટી-20 આવ્યાં બાદ. તમે ખેલાડીની દશા સમજી શકો છો. 50 ઓવર વધુ હોય છે. તેમણે કહ્યું, ટી-20 ક્રિકેટ સરળ છે. ચાર કલાકમાં રમત પૂરી. વિશ્વભરમાં આટલી લીગ થઇ રહી છે અને આટલા પૈસા છે. આ આધુનિક ક્રિકેટનો ભાગ છે. ટી-20 અથવા ટેસ્ટ ક્રિકેટ. વન-ડે ક્રિકેટ પૂરી થવાની છે.