સાવધાન / મામા ફઇનાં ભાઈ ભાંડુ સાથે લગ્ન ખતરનાક, પાકિસ્તાનમાં વધ્યો આ ગંભીર બીમારીનો ખતરો

• ઈસ્લામમાં મામા-ફઈના ભાઈ ભાંડુ સાથે છે લગ્ન કરવાની મંજૂરી
• ક્લોઝ સંબંધીઓમાં લગ્નની પરંપરાથી બિમારીઓ વધી શકે છે
• જેનેટિક ડિસઓર્ડર એટલેકે આનુવંશિક વિકૃતિના કેસો વધ્યા

દક્ષિણ ભારતીયોમાં પણ નજીકના સંબંધીઓમાં લગ્ન કરવાની પરંપરા છે. ઘણા આરોગ્યના નિષ્ણાંતોનું કહેવુ છે કે આ  પ્રથાના કારણે જેનેટિક ડિસઓર્ડર એટલેકે આનુવંશિક વિકૃતિના કેસો વધી રહ્યાં છે.

કઝિન મેરેજથી થતી સમસ્યા 

જર્મનીની એક ન્યુઝ સંસ્થાએ પાકિસ્તાનના એવા લોકો પર એક વિસ્તૃત રિપોર્ટ તૈયાર કર્યો છે, જે નિકાહની આ પરંપરાથી બંધાયેલા છે. આ ઈન્ટરવ્યુમાં લોકોએ પોતાના ખાનગી અનુભવ શેર કર્યા છે. પાકિસ્તાનના કબજાવાળા કાશ્મીરમાં રહેતા 56 વર્ષના ગફૂર હુસેન શાહ આઠ બાળકોના પિતા છે. શાહે કહ્યું કે અહીંના આદિજાતિના રિતીરિવાજ મુજબ તેમની પાસેથી આશા સેવાઈ રહી છે કે તેઓ પોતાના બાળકોના લગ્ન પરિવારના નજીકના સંબંધોમાં જ કરે. જો કે, શાહ આ પ્રકારના લગ્નથી બાળકોમાં થતા જેનેટીક ડિસઓર્ડર રોગથી સારી રીતે વાંકેફ છે. તેમણે 1987માં પોતાના મામાની દીકરી સાથે લગ્ન કર્યા હતા અને તેના ત્રણ બાળકો કોઈ પણ હેલ્થ ડિસઓર્ડર સાથે ઝઝૂમી રહ્યાં છે.

જો લગ્નની ના પાડો તો સમાજ કરે છે બહિષ્કાર

શાહે ન્યુઝ સંસ્થાને વધુમાં જણાવ્યું કે તેમના દીકરાનું મગજ સામાન્ય આકારમાં વિકસિત થયુ નથી. તેમની એક દીકરીને બોલવામાં મુશ્કેલી થાય છે. જ્યારે બીજી સારી રીતે સાંભળી શકતી નથી. તેમણે કહ્યું, મને સૌથી વધુ અફસોસ આ વાતનો છે કે તેઓ અભ્યાસ કરી શકતા નથી. હું હંમેશા તેમના વિશે  ચિંતિત રહુ છુ. હું અને મારી પત્ની ગયા બાદ તેની સંભાળ કોણ કરશે. શાહે જણાવ્યું કે અહીં કઝિન મેરેજનું વધુ સામાજિક દબાણ છે. નજીકના સંબંધોમાં જો તમે લગ્ન કરવાની ના પાડો તો લોકોને સમાજ તરફથી બહિષ્કૃત કરી દેવામાં આવે છે. શાહે જણાવ્યું કે તેમને તેમના એક દીકરા અને બે દીકરીઓના લગ્ન મામા-ભાઈના ભાંડુ સાથે કરવા પડ્યા. તેમના પરિવારની મેડિકલ હિસ્ટ્રીમાં બ્લડ ડિસઓર્ડર, લર્નિગ ડિસેબિલિટી, અંધત્વ અને ઓછુ સાંભળવાની સમસ્યાઓ છે.