નિવેદન / પાક.ને હળવાથી લેવાનું પડી શકે છે ભારે, ગમે ત્યારે ગમે તેને હરાવી શકે, દિગ્ગજ ખેલાડીએ ભારતને આપી ચેતવણી

• ભારતીય સ્પિનર હરભજન સિંહનું નિવેદન
• કહ્યું ભારતીય ટીમે પાક.ટીમને હળવાશથી ન લેવી જોઈએ
• પાકિસ્તાની ટીમે ગમે ત્યારે ગમે તેને હરાવી શકે છે

ભારત-પાકિસ્તાન મેચ પહેલા એક મોટું નિવેનદ આપતા સ્પિનર હરભજન સિંહે જણાવ્યું કે ભારતીય ટીમે પાક.ટીમને હળવાશથી ન લેવી જોઈએ કારણ કે પાકિસ્તાની ટીમ ગમે ત્યારે ગમે તેને પણ હરાવી શકવા સક્ષમ છે. જોકે તેણે એ વાતનો સ્વીકાર કર્યો કે મહામુકાબલા માટે ભારતીય ટીમનો દાવો મજબૂત છે. 

પાક.ટીમ કોઈને પણ હરાવી શકે છે

હરભજને સ્પોર્ટ્સવોર્મના વર્લ્ડ કપ શોમાં કહ્યું હતું. પાક.ટીમ કોઈને પણ હરાવી શકે છે. હું બંને ટીમોની તુલના નહીં કરું કારણ કે તે બંને અલગ રીતે રમે છે. મને નથી લાગતું કે આપણે અગાઉના રેકોર્ડ્સ પર વધુ ધ્યાન કેન્દ્રિત કરવું જોઈએ કારણ કે બંને ટીમો એકબીજા સામે વધુ ક્રિકેટ રમી નથી. આંકડા ત્યારે મહત્વના છે જ્યારે ટીમો એકબીજા સામે ઘણી ક્રિકેટ રમી છે અને એક ઘણી મેચો જીતી છે. કાગળ પર અમારી ટીમને જોતા કહી શકાય કે આપણે પાકિસ્તાનને સરળતાથી હરાવી દેવું જોઈએ, પરંતુ આ બધું મેદાન પર ઉતાર્યા પછી તમે કેવી રીતે રમો છો તેના પર આધાર રાખે છે.