એક્સિડન્ટ / VIDEO : પાક.માં પુલ પરથી ધડાડાભેર કોતરમાં પડેલી બસ ભડભડ સળગી ઉઠી, 39 લોકો ભડથું

• પાકિસ્તાનના બલુચિસ્તાનમાં ગોઝારો અકસ્માત
• પુલના પીલર સાથે અથડાઈને કોતરમાં ખાબકી બસ
• બસમાં આગ લાગતા 39 લોકો જીવતા બળી ગયા 

આર્થિક સંકટનો સામનો કરી રહેલા પાકિસ્તાનમાંથી વધુ એક માઠા સમાચાર આવ્યાં છે. પાકિસ્તાનના બલૂચિસ્તાન પ્રાંતમાં એક પેસેન્જર બસ કોતરમાં પડી જવાથી ઓછામાં ઓછા 39 લોકોના મોત થયા છે. લાસબેલાના આસિસ્ટન્ટ કમિશનર હમઝા અંજુમે પાકિસ્તાની મીડિયાને આ ઘટનાની પુષ્ટિ કરી હતી અને જણાવ્યું હતું કે આ વાહન ક્વેટાથી કરાચી જઇ રહ્યું હતું, જેમાં 48 મુસાફરો સવાર હતા. વધુ સ્પીડના કારણે લાસબેલા નજીક યુ-ટર્ન લેતી વખતે પુલના થાંભલા સાથે અથડાતા બસ કોતરમાં ખાબકી હતી. કોતરમાં પડ્યાં બાદ બસમાં આગ લાગી હતી જેમાં ઘણા લોકો જીવતા બળી ગયા હતા. 

WATCH: #BNNPakistan Reports.

At least 39 people died, while four others were wounded in an accident after a passenger bus plunged into a ravine and caught fire in #Balochistan, #Lasbela district.#Pakistan #accident pic.twitter.com/iUb7yNSC1c

— Gurbaksh Singh Chahal (@gchahal) January 29, 2023

કેવી રીતે બની ઘટના
રવિવારે સવારે 48 મુસાફરોથી ભરેલી ક્વેટાથી કરાચી જઈ રહેલી બસને અકસ્માત નડ્યો હતો. પુલ પરથી પસાર થતા વળાંક લેતા બસ પીલર સાથે અથડાઈ હતી જેને કારણે તે ધડાડાભેર નીચે ખાબકી હતી, નીચે મોટા મોટા કોતર હતા. ધડાકાભેર જમીન પર પડતાં બસમાં આગ ભભૂકી ઉઠી હતી જેમાં મુસાફરો જીવતા બળી ગયા હતા, અત્યાર સુધીમાં 39 લોકો મર્યાં હતા જેમાંથી 17 લોકોની લાશ મળી આવી છે અને રેસ્ક્યૂ ઓપરેશન ચાલી રહ્યું છે તેમ તેમ વધારે લાશ મળશે. 

3 લોકોને બચાવી લેવાયા 
અંજુમે જણાવ્યું હતું કે આ દુર્ઘટનામાં એક બાળક અને એક મહિલા સહિત ત્રણ લોકોને જીવતા બચાવી લેવામાં આવ્યા હતા. જોકે, તેમને ડર હતો કે જાનહાનિનો આંકડો વધી શકે છે. 

17 મૃતદેહો મળ્યાં 
દુર્ઘટના સ્થળેથી અત્યાર સુધીમાં 17 મૃતદેહો મળી આવ્યા છે અને તેમને હોસ્પિટલ લઇ જવામાં આવ્યા છે.ટીમ ઈન્ડિયાએ આ વર્લ્ડ કપની ફાઈનલમાં પહોંચતા પહેલા કુલ 6 મેચ રમી છે. જેમાંથી 5ની જીત થઈ છે. ટીમ ઈન્ડિયાએ ઓસ્ટ્રેલિયાને બાદ કરતાં દરેક હરિફને પરાજય આપ્યો છે.