હાસ્યજનક / VIDEO : SCO બેઠકમાં પાક. PM શરીફને ભોંઠા પડવું પડ્યું, પુતિન પણ હસવું રોકી ન શક્યાં એવું બન્યું

• SCO સંમેલન પહેલા પાક. પીએમ શાહબાઝ અને રશિયન પ્રેસિડન્ટ પુતિન વચ્ચે વાતચીત
• પુતિને રશિયન ભાષામાં બોલવાનું શરુ કર્યું
• બરાબર તે સમયે શાહબાઝ શરીફનું ટ્રાન્સલેટ ટૂલ બગડી ગયું
• થોડો સમય શાહબાઝ શરીફ ફાંફે ચડતાં પુતિન પણ હસી જવાયું 

ઉઝબેકિસ્તાનના સમરકંદમા શંઘાઈ સહયોગ સંગઠન (SCO) શરુ થયું છે. ચીન, રશિયા, ભારત અને પાકિસ્તાનના પ્રધાનમંત્રીઓ ત્યાં પહોંચી ગયા છે. ગુરુવારે પાકિસ્તાની પીએમ શાહબાઝ શરીફ અને રશિયાના પ્રમુખ પુતિન વચ્ચે એક મુલાકાત થઈ હતી. પરંતુ મુલાકાતની શરુઆતમાં પીએમ શાહબાઝ શરીફની સાથે એવું બન્યું કે ખુદ પુતિન હસતાં હસતાં હાથમાં માઈક લઈને તેમની સામે જોઈ રહ્યાં. 

#Pakistan PM Be Like - हम करें तो करें क्या, बोलें तो बोलें क्या 😂#SCOSummit2022 pic.twitter.com/BZvFcNG2E2

— M. Nuruddin (@nuristan97) September 15, 2022

ખરે ટાણે શરીફનું ટ્રાન્સલેટ ટૂલ બંધ પડ્યું 

SCO મીટિંગ પહેલા શાહબાઝ શરીફ અને પુતિન વચ્ચે એક બેઠક શરુ થઈ હતી. બેઠકની શરુઆતમાં પુતિનને પહેલા બોલવાનું હતું તેથી તેમણે તેમની રશિયન ભાષામાં બોલવાનું શરુ કર્યું પરંતુ તે જ સમયે સામે બેઠેલા શાહબાઝ શરીફનું ટ્રાન્સલેટ ટૂલ બરાબર કામ કરતું નહોતું. શરીફે ટ્રાન્સલેટ ટૂલ કાનમાં લગાવ્યું હતું જે પુતિનની રશિયાની ભાષાને શરીફની ભાષામાં ટ્રાન્સલેટ કરીને સંભળાવવાનું હતું. પરંતુ ખરે સમયે ટૂલ કામ ન કરી શક્યું આ જોઈને શરીફ ફાંફે ચડ્યાં હતા અને ટૂલને કાનમાંથી કાઢીને આમતેમ જોવા લાગ્યાં હતા. ઘણા સમય સુધી તેમના ટ્રાન્સલેટ ટૂલ બંધ રહ્યું હતું, આ દરમિયાન પુતિન હાથમાં માઈક લઈને શરીફને સામે જોઈને હસતાં રહ્યાં હતા. 

સોશિયલ મીડિયા પર વાયરલ થયો વીડિયો 
શરીફ અને પુતિનની આ મુલાકાતનો એક વીડિયો વાયરલ થયો છે. વાયરલ વીડિયોમાં જોઈ શકાય છે કે પોતાનું ટ્રાન્સલેટ ટૂલ બગડી જતા શરીફ કોઈને મદદ માટે બોલાવે છે. માણસે આવીને તેમનું ટ્રાન્સલેટ ટૂલ ચેક કરીને ફરી લગાડ્યું તો ફરી પણ એવું જ થયું હતું અને તે કામ કરતું નહોતું. આ જોઈને પુતિન હસવા લાગ્યાં અને કદાચ પોતાનું ટ્રાન્સલેટ ટૂલ ખરાબ થયું છે તેવું માનીને પોતાનું ચેક કરવા લાગ્યા હતા. 

શાહબાઝ SCO સમિટ માટે ઉઝબેકિસ્તાન પહોંચ્યા
પાકિસ્તાનના વડાપ્રધાન શાહબાઝ બે દિવસીય એસસીઓ સમિટ માટે ઉઝબેકિસ્તાન પહોંચ્યા છે. પ્રધાનમંત્રી ઉઝબેકિસ્તાનના રાષ્ટ્રપતિ શૌકત મિર્ઝિયોયેવના આમંત્રણ પર 15-16 સપ્ટેમ્બરના રોજ યોજાનારી એસસીઓ સમિટમાં ભાગ લેશે.