નિર્ણય / મોદી સરકારનો 'યૂટર્ન', પેરામિલિટ્રી કેન્ટીનથી 1000થી વધારે વસ્તુઓને હટાવાનો નિર્ણય પાછો ખેંચ્યો

• દેશભરની પેરામિલિટ્રી કેન્ટીનથી 1000થી વધારે વસ્તુો પર પ્રતિબંધ સંબંધી આદેશને પાછો લેવાયો
• સરકારે લીધો હતો નિર્ણય, અર્ધસૈનિક દળોની કેન્ટીન 1 જૂનથી સ્વદેશી અથવા ભારતીય વસ્તુઓ વેચશે

ગત મહીને સરકાર દ્વારા જાહેરાત બાદ આયાત કરવામાં આવતી વસ્તુઓને એમ કહીને લિસ્ટથી બહાર કરી દેવાઇ હતી કે ઘરેલૂ ઉદ્યોગો અને સ્વદેશીને પ્રોત્સાહન આપવા માટે એક જૂનથી અર્ધસૈનિક કેન્ટીન માત્ર એક જૂનથી સ્વદેશી અથવા ભારતીય ઉત્પાદન જ વેચશે. 

નોંધનીય છે કે સરકારની તરફથી નિર્ણય લેવામાં આવ્યો હતો કે સ્વદેશીને પ્રોત્સાહન આપવા માટે અર્ધસૈનિક દળોની કેન્ટીન 1 જૂનથી સ્વદેશી અથવા ભારતીય વસ્તુઓ વેચશે. અર્ધસૈનિક દળોની કેન્ટીનમાં ઉપલબ્ધ ન હોય તેવા ઉત્પાદનો-બ્રાન્ડોમાં ન્યૂટ્રીલા, કિન્ડર જોય, ડાબર, હોર્લિક્સ ઓટ્સ, યૂરેકા ફોર્બ્સ, ટોમી હિલફિગર શર્ટ અને એડિડાસ બોડી સ્પ્રે વગેરે સામેલ હતા.

This is clarified that the list issued by Kendriya Police Kalyan Bhandar on 29th May 2020 regarding delisting of certain products has been erroneously issued at the level of CEO. The list has been withdrawn and action is being initiated for the lapse.@HMOIndia @PIBHomeAffairs

— 🇮🇳CRPF🇮🇳 (@crpfindia) June 1, 2020

કેન્દ્રીય ગૃહ મંત્રાલયે 13 મેએ જાહેરાત કરી હતી કે ઘરેલૂ ઉદ્યોગોને પ્રોત્સાહન આપવાના પ્રયાસ હેઠળ દેશભરમાં સીએપીએફની 1,700થી વધારે કેન્ટીનોમાં એક જૂનથી માત્ર સ્વદેશી વસ્તુઓનું જ વેચાણ થશે. આદેશમાં કહેવામાં આવ્યું હતું કે જે વસ્તુઓ 'પૂર્ણ રીતે આયાત કરાયેલ વસ્તુઓ' થી બનાવામાં આવે છે, તેમને સોમવારે કેન્દ્રીય પોલીસ કલ્યાણ ભંડાર અથવા સીપીએફ કેન્ટીનોની લિસ્ટમાંથી હટાવામાં આવી રહી છે.

કેટલીક ખાસ વસ્તુઓમાં આયાત કરાયેલી વસ્તુઓનો ઉપયોગ કરનારી અને લિસ્ટમાંથી બહાર થયેલી કંપનીઓમાં બ્લૂ સ્ટાર લિમિટેડ, બોરોસિલ ગ્લાસ વર્ક્સ લિમિટેડ, કોલગેટ પામોલિવ ઇન્ડિયા લિમિટેડ, ડાબર ઇન્ડિયા લિમિટેડ, વીઆઇપી ઇન્ડસ્ટ્રીઝ, યૂરેકા ફોર્બ્સ, જકુઆર, એચયૂએલ (ફૂડ્સ), નેસ્લે ઇન્ડિયા અને અન્ય સામેલ હતી. 

પેરામિલિટ્રી કેન્ટીનનું વેચાણ વાર્ષિક લગભગ 2800 કરોડ રૂપિયા છે. આ કેન્ટીન લગભગ 10 લાખ કર્મચારીઓના 50 લાખ પરિવારજનોને અલગ-અલગ સામાન વેચે છે.