બોટાદમાં દેવીપૂજક સામજની બાળકી પર દુષ્કર્મ અને હત્યા મામલે રાજકોટમાં લોકો દ્વારા કલેક્ટર અને જિલ્લા પોલીસ વડાને આવેદનપત્ર પાઠવી કડક સજા આપવાની માગ કરાઈ
બોટાદમાં 9 વર્ષની બાળકી સાથે દુષ્કર્મ અને હત્યાની ઘટનાને લઈ રાજકોટ, બોટાદ સહિત સમગ્ર ગુજરાતમાં દેવીપૂજક સમાજનો રોષ ભભૂકી ઉઠ્યો છે. 15 જાન્યુઆરીએ બોટાદમાં દેવી પૂજક સમાજની દીકરી સાથે દુષ્કર્મ અને હત્યાની ઘટના સામે આવી હતી.
રાજકોટમાં દેવીપૂજક સમાજનો આક્રોશ
રાજકોટમાં દેવીપૂજક સમાજના લોકો દ્વારા બેનરો સાથે રેલી યોજી ભારે સૂત્રોચાર સાથે સમગ્ર ઘટનાને વખોડી કાઠી હતી અને તેનો વિરોધ કર્યો હતો. જેમણે ન્યાય આપો ન્યાય અમારી દીકરીને ન્યાય આપોના આક્રોષ સાથે સૂત્રોચાર કર્યો હતા અને બહોળી સંખ્યામાં રેલી યોજી લોકોએ ક્લેક્ટર અને પોલીસ વડાને આવેદન પત્ર પાઠવ્યું હતું. તેમણે આરોપીને ફાંસીની સજા આપવા તેમજ કેસ ફાસ્ટ્રક કોર્ટમાં ચલાવવા માગ કરી હતી.
ફાસ્ટ્રક કોર્ટમાં કેસ ચાલવવા માગ
દેવી પૂજક સમાજના લોકોએ રાજકોટ ક્લેક્ટરને આવેદન આપી માગ કરી હતી કે, આ કેસ ફાસ્ટ્રક કોર્ટમાં ચલાવવમાં આવે. સમાજના અગ્રણીએ જણાવ્યું હતું કે, સરકાર એક તરફ સરકાર બેટી બચાવો બેટી બઢાવોની વાત કરે છે ત્યારે અમને ન્યાય આપે તેવી અમારી માગ છે અને જલ્દીમાં જલ્દી દીકરીને ન્યાય અપાવો. આ કેસ ફાસ્ટ્રક કોર્ટમાં ચાલવીને દાખલારૂપ કિસ્સો બેસાડવામાં આવે.
સમગ્ર ઘટના
તમને જણાવી દઈએ કે, ગત 15 જાન્યુઆરીએ બોટાદમાં દેવીપૂજક સમાજની 9 વર્ષની દીકરી પર આરોપીએ દુષ્કર્મ આચર્યું હતું ત્યાર બાદ તેની હત્યા કરવામાં આવી હતી, પાપ્ત માહિતી અનુસાર બાળકી પતંગ લૂટવા માટે ગઈ હતી ત્યારે રાજુ ઉર્ફે રાજેશ ચૌહાણે બાળકીને ખંડેર ક્વોર્ટરમાં લઈ જઈને દુષ્કર્મ આચર્યું હતું અને ત્યારબાદ તેની હત્યા કરી તે ત્યાથી ભાગી ગયો હતો. પોલીસ કાફલો ઘટનાસ્થળે પહોંચી મૃતદેહને પીએમ અર્થે ખેસડવામાં આવ્યો હતો.
પોલીસે આરોપીને દબોચી લીધો છે
પોલીસે આરોપીને પકડવા માટે ત્રણ ટીમો બનાવી હતી અને આરોપીને પકડવા ચક્રોગતિમાન કર્યો હતાં. 16 જાન્યુઆરીના સાંજના 4 કલાકના અરસામાં હત્યા અને દુષ્કર્મના આરોપી રાજેશ ઉર્ફે રાજુ દેવુભાઈ ચૌહાણને બાતમીના આધારે પોલીસે તુરખા રોડ ભડિયા પાસેથી પકડી લેવામાં આવ્યો હતો. આરોપીને કડક સજા આપવામાં માટે દેવીપૂજક સમાજના લોકોનો દ્વારા રાજકોટમાં કેલક્ટર અને જિલ્લા પોલીસ વડાને આવેદનપત્ર પાઠવવામાં આવ્યો છે.