રિપોર્ટ / ઓસામા બિન લાદેનના દિકરા હમઝાનુ મોત, અમેરિકાએ કર્યો દાવો

ઉલ્લેખનીય છે કે આ વર્ષના માર્ચ મહિનામાં અમેરિકાએ ઓસામા બિન લાદેનના દિકરાની ખબર આપનારને 10 લાખ ડોલર ઇનામ આપવાની જાહેરાત કરી હતી. અમેરિકાએ જણાવ્યું હતું કે આતંકી હમઝા પોતાના પિતા ઓસામા  બિન લાદનના મોતનો બદલો લેવા હુમલો કરવાનું ષડયંત્ર રચી રહ્યો છે. જેના કારણે આટલી મોટી ઇનામની રકમની જાહેરાત કરવામાં આવી છે.

જ્યારે બીજી તરફ સંયુક્ત રાષ્ટ્ર સુરક્ષા પરિષદ (UNSC)એ ઓસામા બિન લાદેનના દિકરા હમઝા બિન લાદેનનું નામ પોતાની પ્રતિબંદ યાદીમાં ઉમેરી દીધું હતું. સંયુક્ત રાષ્ટ્ર સુરક્ષા પરિષદ અને અમેરિકા તરફથી હમઝાને લઇને કડક વલણ અપનાવતાં સાઉદી અરબે પણ હમઝાની નાગરિકતા રદ્દ કરી દીધી હતી.

 

છેલ્લા કેટલાક વર્ષોથી 'જેહાદના ક્રાઉન પ્રિન્સ'ના નામથી કુખ્યાત હમઝા બિન લાદેનના ઠેકાણાં શોધવાનો અમેરિકા પ્રયત્ન કરી રહ્યું હતું. હમઝા બિન લાદેન ક્યારેક પાકિસ્તાન, અફઘાનિસ્તાન તો ક્યારેક ઇરાનમાં છુપાયો હોવાના સમાચાર પ્રાપ્ત થઇ રહ્યાં હતા. 2011માં પાકિસ્તાનમાં અમેરિકાએ કરેલ નેવી સીલના અભિયાનમાં તે બચી ગયો હતો જેમાં ઓસામા બિન લાદેન મરાયો હતો.