લડતની તૈયારી / કેન્દ્રીય સંરક્ષણ મંત્રી રાજનાથ સિંહ આવશે ગુજરાત, ચૂંટણી પહેલા ભાજપની કારોબારી બેઠક

• ભાજપની પ્રદેશ કારોબારીની બેઠકનું આયોજન
• કેવડિયા કોલોની ટેન્ટસિટી 2 ખાતે બેઠક યોજાશે
• વિધાનસભાની ચૂંટણીની રણનિતી માટે મંથન કરાશે

ગુજરાત વિધાનસભાની 2022ની ચૂંટણીને હવે વર્ષ બાકી રહ્યું છે. ત્યારે વિધાનસભાની ચૂંટણીની રણનિતી તૈયાર કરવા તેમજ પક્ષના સંગઠનના મુદ્દાઓને લઇ ચર્ચા કરવા માટે ભાજપની પ્રદેશ કારોબારીની બેઠકનું આયોજન કરાયું છે. આગામી તારીખ 2 સપ્ટેમ્બરના રોજ કેવડિયા કોલોની ટેન્ટસિટી 2 ખાતે બેઠક યોજાશે. જેના ભાગરૂપે ટેન્ટસીટી 2મા અત્યારથી તૈયારીઓ શરૂ થઈ ગઈ છે. પ્રદેશના સંગઠન મહામંત્રી રત્નાકર સહિત ભાજપના નેતાઓએ ટેન્ટસિટીની મુલાકાત કરી હતી. આ બેઠકમાં કેન્દ્રીય મંત્રી રાજનાથ સિંહ સહિત રાજ્યના મુખ્યમંત્રી, નાયબ મુખ્યમંત્રી અને ભાજપના અધ્યક્ષ સહિત અનેક આગેવાનો ઉપસ્થિત રહેશે.