ડેડલાઈન / રાજકોટમાં એરપોર્ટની કામગીરી ઓગસ્ટના બદલે જૂનમાં પૂર્ણ કરવા દિલ્હીથી આદેશ, કલેક્ટરની સમીક્ષા બેઠક

• હિરાસર એરપોર્ટની કામગીરી ઝડપી કરવા સૂચના
• સરકારે આપી છે ઓગસ્ટ મહિનાની ડેડલાઈન
• ડેડલાઈન પહેલા જ કામ પૂર્ણ કરવા કેન્દ્રની તાકિદ

રાજકોટમાં હિરાસર એરપોર્ટની કામગીરી ઝડપથી પૂર્ણ કરવા સૂચના 

ડિસેમ્બરની અંત સુધીમાં ગુજરાતમાં વિધાનસભાની ચૂંટણી યોજાનારી છે. જો કે, હાલ ગુજરાતમાં વિધાનસભાની ચૂંટણીઓ વહેલી યોજાશે તેવા મોટા સંકેતો સામે આવી રહ્યાં છે. કેન્દ્ર સરકાર દ્વારા એરપોર્ટ ઓથોરિટીને રાજકોટનું ઈન્ટરનેશનલ એરપોર્ટનનું કામ વહેલૂ પૂર્ણ કરવા અંગે જરૂરી સૂચનાઓ આપવામાં આવી છે. જે અંતર્ગત દિલ્હીથી અધિકારીઓએ રાજકોટ કલેકટર સાથે આ અંગે સમિક્ષા બેઠક કરી હતી.

હિરાસર એરપોર્ટની કામગીરી ઝડપી કરવા સૂચના

આ બેઠકમાં અધિકારીઓએ કલકેટર તાકીદ કરી હતી કે, રન વે , ATC ટાવર સહિતની કામગીરી જલ્દીથી પૂર્ણ કરવામાં આવી હતી. ઉલ્લેખનીય છે કે, રાજકોટના હિરાસર એરપોર્ટની કામગીરી પર PMO ઓફિસનું સતત કામગીરી પર મોનિટરીંગ થઈ રહ્યું છે. કેન્દ્ર સરકારે કામગીરી પૂર્ણ કરવા માટે ઓગસ્ટ મહિનાની ડેડલાઈન આપી હતી જો કે, હવે એરપોર્ટનું કામ ઓગસ્ટના બદલે જૂનમાં પૂર્ણ કરવામાં આવશે  

એરપોર્ટ ઓથોરિટીની તાત્કાલિક બેઠક બોલાવવા અપાઇ સૂચના 

મહત્વનું છે કે, ગુજરાતમાં આગામી થોડા મહિનાઓમાં વિધાનસભાની ચૂંટણી યોજાનારા છે.જેની વચ્ચે ગત રોજ  કેન્દ્ર સરકાર દ્વારા તાત્કાલિક એરપોર્ટ ઓથોરિટીની બેઠક બોલાવવા હતી. જેમાં કેન્દ્ર સરકાર દ્વારા એરપોર્ટ ઓથોરિટીને સૂચના આપવામાં આવી હતી કે, એરપોર્ટનું કામ ઓગસ્ટના બદલે જૂનમાં પૂર્ણ કરવા આવે.