ગોપાલ ગાંધી અને ફારુક અબ્દુલાનો નામનો મૂકાયો પ્રસ્તાવ
રાષ્ટ્રપતિની ચૂંટણીમાં સત્તાપક્ષના ઉમેદવારની સામે કયો ઉમેદવાર ઊભો રાખવો તેની ચર્ચા કરવા માટે મમતા બેનરજીની આગેવાનીમાં 17 વિપક્ષી પાર્ટીઓની એક મોટી બેઠક મળી હતી જેમાં મમતાએ ગોપાલ ગાંધી અને જમ્મુ કાશ્મીરના પૂર્વ મુખ્યમંત્રી ફારુક અબ્દુલાના નામનો પ્રસ્તાવ મૂક્યો હતો. બેઠકમાં 17 પાર્ટીઓના નેતા હાજર રહ્યાં હતા. બેઠક બાદ વિપક્ષે રાષ્ટ્રપતિની ચૂંટણીમાં સંયુક્ત ઉમેદવાર ઉભો રાખવાની જાહેરાત કરી છે. બેઠકમાં ગોપાલ ગાંધી અને ફારુક અબ્દુલા નામનો પ્રસ્તાવ મૂકવામાં આવ્યો હતો. બેઠક બાદ સુધીન્દ્ર કુલકર્ણીએ પ્રેસ કોન્ફરન્સમાં કહ્યું કે, વિપક્ષી નેતાઓએ આગામી રાષ્ટ્રપતિ ચૂંટણીમાં સામાન્ય ઉમેદવારને મેદાનમાં ઉતારવાનો પ્રસ્તાવ અપનાવ્યો છે. એક એવો ઉમેદવાર જે ખરેખર બંધારણના સંરક્ષક તરીકે કામ કરી શકે અને મોદી સરકારને ભારતીય લોકશાહી અને ભારતના સામાજિક તાણાવાણાને વધુ નુકસાન કરતા અટકાવી શકે.
Opposition leaders adopt a resolution to field a common candidate in the forthcoming Presidential election pic.twitter.com/XgCUFMzEIW
ગોપાલ ગાંધી અને ફારુક અબ્દુલાના નામનો પ્રસ્તાવ
વિપક્ષની બેઠકમાં સંયુક્ત ઉમેદવાર તરીકે ગોપાલ ગાંધી અને ફારુક અબ્દુલાના નામનો પ્રસ્તાવ મૂકવામાંઆવ્યો છે. સૂત્રોએ જણાવ્યું હતું કે ગોપાલકૃષ્ણ ગાંધીએ આ મામલે વિચારણા કરવા માટે સમય માંગ્યો છે.
Opposition leaders adopted a resolution to field a common candidate in the forthcoming Presidential poll. A candidate who can truly serve as custodian of the Constitution & stop Modi govt from doing further damage to Indian democracy and India's social fabric: Sudheendra Kulkarni pic.twitter.com/rzDPAAAo3I
આ નેતાઓ રહ્યાં હાજર
શરદ પવાર, પી સી ચાકો, આર.જે.ડી. MP આ બેઠકમાં મનોજ ઝા, ઓમર અબ્દુલ્લા, મહેબૂબા મુફ્તી, એચ.ડી.દેવગૌડા, કુમારસ્વામી, ટી આર બાલુ, અખિલેશ યાદવ, પ્રિયંકા ચતુર્વેદી, મલ્લિકાર્જુન ખડગે અને રણદીપ સુરજેવાલા સહિત અનેક વરિષ્ઠ નેતાઓ હાજર રહ્યા હતા. આ પહેલા મમતા બેનર્જીએ 22 વિપક્ષી દળોને પત્ર લખીને ભાજપ વિરુદ્ધ એકજૂથ થવાની અપીલ કરી હતી અને રાષ્ટ્રપતિની ચૂંટણીમાં એકતાનું આહ્વાન કર્યું હતું. મમતા બેનર્જી સહિત વિપક્ષી દળોના નેતાઓએ એનસીપી પ્રમુખ શરદ પવારના નામ પર રાષ્ટ્રપતિ પદ માટે સહમતિ દર્શાવી હતી પરંતુ તેમણે તેને ફગાવી દીધી હતી.