મજબૂત ખેલાડી / ટી-20 વર્લ્ડ કપમાં ભારતીય ટીમનું ભાગ્ય બદલી શકે છે આ ધુરંધર ખેલાડી, વિશ્વના ધમાકેદાર બેટ્સમેનોમાંથી એક

• ટી-20 ફોર્મેટમાં પૃથ્વી શૉ આક્રમક બેટરોમાંથી એક
• પૃથ્વી શૉ ભારતીય ટીમના ભાગ્યને બદલી શકે
• બોલરના મનમાં ડર ઉભી કરવાની છે તાકાત

ભારતીય ટીમના નસીબને બદલી શકે છે પૃથ્વી શૉ

ટી-20 ફોર્મેટ છેલ્લાં ઘણા વર્ષોમાં ઝડપથી બદલાયુ છે અને એવુ લાગે છે કે ભારત કેચ-અપ રમી રહી છે. જો કે, એક એવો બેટર છે કે જેની પાસે આ રમત છે, જે આ ફોર્મેટ માટે તૈયાર છે અને ટી-20 ક્રિકેટમાં ભારતીય ટીમના નસીબને હંમેશા માટે બદલી શકે છે અને તે છે પૃથ્વી શૉ. યુવા બેટર વિશ્વના સૌથી ધમાકેદાર બેટ્સમેનોમાંથી એક છે અને જેને પણ વિરેન્દ્ર સહેવાગની બેટીંગને જોઇ છે તેને ખ્યાલ હશે કે શૉની પાસે આ પ્રકારનો બેટીંગ શોટ છે. તે બોલરના મનમાં ડર ઉભો કરી શકે છે અને ભારતીય ટીમને તે સારી શરૂઆત અપાવી શકે છે. જેની તેને શીર્ષ ક્રમમાં જરૂર છે. જમોણી બેટરે તેની આંતરરાષ્ટ્રીય કારકિર્દીમાં માત્ર એક ટી-20I રમી છે,  પરંતુ આ બેટર એવો છે જે ભારતના પક્ષમાં કામ કરી શકે છે.

શૉએ 25.21ની સરેરાશથી 1588 રન બનાવ્યાં

પૃથ્વી શૉ દિલ્હી કેપિટલ્સ માટે 2018થી આઈપીએલમાં રમી રહ્યાં છે. 22 વર્ષીય બેટરે અત્યાર સુધી 63 રમતમાં ભાગ લીધો છે અને 25.21ની સરેરાશથી 1588 રન બનાવવામાં સફળ રહ્યાં છે. અહીં સૌથી મહત્વની વાત તેની સ્ટ્રાઈક રેટ છે, જે 147.45 છે, જે ભારતની દ્રષ્ટિએ ઘણુ મોટુ છે. 

પૃથ્વી શો વિરોધીઓની યોજનાને પાટા પરથી ઉતારી શકે છે

પૃથ્વી શો જેવા બેટરમાં એક્સ-ફેકટર હોય છે, જે ખૂબ દુર્લભ હોય છે. ભારતીય ટીમ મેનેજમેન્ટે આ મહેસૂસ કરવુ જોઈએ કે શૉ જેવા ખેલાડી થવુ દુર્લભ છે અને તેને નિડર રીતે બેટીંગ કરવા માટે સમર્થન આપવુ જોઈએ. જે તેના વિરોધીઓની યોજનાને પાટા પરથી ઉતારી શકે છે. શોનો દ્રષ્ટિકોણ મધ્યની ઓવરમાં બેટીંગ કરનારા અન્ય બેટરોને પણ થોડો સમય લેવાની મંજૂરી આપી શકે છે અને તેના માથા પર રન-રેટનુ દબાણ નહીં હોય. પાવરપ્લેમાં ભારતની બેટીંગ 2021માં ટી-20 વિશ્વ કપ દરમ્યાન ચિંતાનુ એક મોટુ કારણ હતુ અને જો તે શોને સારી શરૂઆત કરાવે છે તો આ વાતની વધુ શક્યતા રહે છે કે આની પહેલાની ભૂલોને તેઓ રિપીટ નહીં કરે.