OMG: ભેંસ ચરાવવાના મળે છે અધધધ રૂપિયા ડૉક્ટર-એન્જિનીયરોના પણ ઉડી ગયા હોશ

વધારે પૈસા કમાવવા માટે વધારે મહેનત કરવી પડે છે પરંતુ અહીંયા તો માત્ર ભેંસ ચરાવવાના બદલામાં મસ્ત કમાણી થઇ રહી છે. જો તમે પણ આ માટે જાણી લેશો તો તમને પણ હેરાની થશે. એક રિપોર્ટનું માનીએ ચો આ કામ માટે અહીંયા સ્પેશિયલ મજૂર રોકવામાં આવે છે અને મજૂરો પણ અહીં ખુશીથી કામ કરે છે. આવું તમે ક્યારેક જ સાંભળ્યું હશે કે ભેંસોને ચરાવવા માટે સારી સેલેરી મળે છે. 



એક રિપોર્ટનું માનીએ તો નોયડા અને ગ્રેટર નોયડા એક્સપ્રેસ વે ની પાસે એક ગામ છે જેનું નામ છે 'ઝટ્ટા'...અહીંયા ભેંસ ચરાવવા માટે લોકો પોતાના મજૂરોને સારા પૈસા આપે છે. ગામના ખેડૂતોએ પોતાની ભેંસોને ચરાવવા માટે બિહાર અને પૂર્વ યૂપીના બેરોજગાર યુવકોને નોકરી પર રાખ્યા છે. આ લોકો સવારે જલ્દી ઊઠીને ખેડૂતોના ઘરે જઇને ભેંસોને ખોલીને ગામની બહાર ચરાવવા લઇ જાય છે. 

રિપોર્ટનું માનીએ તો 50 ભેંસો ચરાવવામાં એક મજૂર ઓછામાં ઓછા 25 હજાર રૂપિયા લે છે. તમારી જાણકારી માટે જણાવી દઇએ કે બિહાર અને યૂપીના ઘણા લોકો આ કામમાં લાગેલા છે.  જે લોકો ચરાવવાનું કામ કરે છે તેઓ એનસીઆરમાં પાક લણવા અને કાપવા આવતા હતા. બીજી બાજુ ખેડૂતો પાસે એટલો સમય હોતો નથી. તેઓ દિવસભર ભેંસ ચરાવવાના કામમાં લાગેલા રહે. ખેડૂતોએ જ આ મજૂરોને આઇડિયા આપ્યાે કે તેઓ તેમની ભેંસો ચરાવી દે બદલામાં તેઓ મહિને પ્રતિભેંસ પ૦૦થી ૭૦૦ રૂપિયા લઇ લે. મજૂરોને આ વાત પસંદ પડી ગઇ. 

આઇડિયા હિટ થયો અને હવે આ વિસ્તારના ઘણા લોકો આ જ રીતે ભેંસ ચરાવી રહ્યા છે. એક ખેડૂતે જણાવ્યું કે એક ભેંસ રોજ લગભગ આઠથી ૧૦ લિટર દૂધ આપે છે. આ રીતે એક ભેંસ મહિનામાં ૧પ હજારની કમાણી કરાવે છે. આવા સંજોગોમાં જો કોઇ મહિનાના પ૦૦ રૂપિયા લઇને ભેંસ ચરાવી આપે તો ખેડૂતોને જ ફાયદો છે. તેઓનો દિવસભરનો સમય પણ બચી જાય છે.