વ્યાપાર / ભારતમાં બે વર્ષમાં ઓનલાઈન ફૂડ બિઝનેસ રૂ.૫૬ હજાર કરોડનો થઈ જશે

ડિજિટલાઇઝેશન અને ઓનલાઇન શોપિંગના વધતા ક્રેઝના કારણે ઓનલાઇન ફૂડ ઇન્ડસ્ટ્રી ૨૦૨૨ સુધીમાં આઠ અબજ ડોલરની સપાટીએ પહોંચી શકે છે અને આ ગણતરીએ રૂપિયાના સંદર્ભમાં જોઇએ તો બે વર્ષમાં ફૂડ ટેક બિઝનેસ રૂ. ૫૬ હજાર કરોડની આસપાસ થઇ શકે છે.

એક નવા રિપોર્ટ અનુસાર ઓનલાઇન ફૂડ બિઝનેસ વાર્ષિક ૨૫થી ૩૦ ટકાના દરે વધી રહ્યો છે. ઓનલાઇન ફૂડ બિઝનેસ વધવાનું બીજું સૌથી મોટું કારણ આકર્ષક ડિસ્કાઉન્ટ અને ખાનપાનની ચીજવસ્તુ ઘરે મંગાવવામા રહેલી સુવિધા અને સરળતા છે. 

અત્રે ઉલ્લેખનીય છે કે તાજેતરમાં ઝોમેટોએ ઉબેર ઇટનો ભારતીય ફૂડ ડિલિવરી બિઝનેસ ટેકઓવર કરી લીધો છે. ફૂડ ટેક્નોલોજીએ હવે ભારતના ૫૦૦ વધી શહેરમાં પોતાની પહોંચ બનાવી લીધી છે.